Yohane 21:16 - BAIBLO ALOO NGMAMI KLƆUKLƆU Ɔ

¹⁶ Yesu kpale bi lɛ si enyɔne ke, “Simon, Yohane bi, o suɔ mi lo?” Petro he nɔ ke, “Nyɔmtsɛ, o le kaa i suɔ mo!” Yesu de lɛ ke, “Hyɛ ye to ɔmɛ.”

Somi He Ɔ

¹⁶ Yesu kpale bi lɛ nɔ nɛ ji si enyɔ ke: “Simon, Yona bi, o suɔ mi lo?” E he nɔ ke: “Ee, Mawetsɛ, o le kaa i suɔ mo.” E de lɛ ke: “Hyɛ ye to ɔmɛ!”

Yohane 21:16 ပူးပေါင်းရင်းမြစ်များ

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

La 95:7

Ejakaa wa Mawu ji lɛ! Wɔ ji e ma a nɛ; lɛ nɛ hyɛɛ wa nɔ; wa ngɛ kaa tohi nɛ e ngɛ tsɔe. Mwɔnɛ ɔ, nyɛɛ bu e gbi ɔ tue:

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Mateo 2:6

‘Mo Betlehem ma, ngɛ Yuda zugba a nɔ ɔ, mo ji ma nyafii pe kulaa ngɛ Yuda ma amɛ a kpɛti; se o mi lɛ matsɛ maa je kɛ ba ye ye ma Israel ɔ nɔ.’ ”

Mateo 25:32

nɛ a ma bua je ma amɛ tsuo a nya ngɛ e hɛ mi. Kɛkɛ ɔ, e ma gba a mi kaa bɔ nɛ to hyɛlɔ gbaa jijɔ, kɛ apletsi mi ɔ.

Mateo 26:72

Petro kplɛɛ we nɔ ekohu, nɛ e de ke, “I na Mawu kaa i li nyumu ɔ!”

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Yohane 18:17

Yiheyo ɔ nɛ ngɛ sinya a nya bue ɔ de Petro ke, “Tse mo hu jamɛ a nyumu ɔ kaselɔ ji mo?” Petro he nɔ ke, “Dɛbi.”

Yohane 18:25

Petro daa si ngɛ lejɛ ɔ nɛ e ngɛ la a hlue kɛ mwɔɔ. Kɛkɛ nɛ nihi nɛ daa si ngɛ lejɛ ɔ, a ti ni komɛ de ke, “Tse mohu jamɛ a nyumu ɔ kaselɔ ji mo.” Se Petro kplɛɛ we, nɛ e ke, “Dɛbi, pi e kaselɔ ji mi.”

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

1 Petro 2:25

Jinɛ nyɛ laa blɔ kaa tohi. Se amlɔ nɛ ɔ, nyɛ kpale kɛ ba nyɛ hyɛlɔ, kɛ nyɛ he bulɔ ɔ ngɔ.

1 Petro 5:2

Mawu asafo ɔ nɛ e ngɔ ha nyɛ ɔ, nyɛɛ hyɛ nɔ saminya kaa bɔ nɛ to hyɛlɔ lɛɔ e to kuu ɔ. Nyɛɛ pee enɛ ɔ kɛ je nyɛ tsui mi, se pi kaa a nyɛ nyɛ nɔ kɛ pee. Nyɛ tsu ní, pi ngɛ hiɔwo nɛ nyɛ ma na a he, se mohu kaa nyɛ ná nɔ́ nɛ nyɛ ngɛ pee ɔ he bua jɔmi. Bɔ nɛ Mawu to kaa nyɛɛ pee ji nɛ ɔ nɛ.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”