Yohane 20:31 - BAIBLO ALOO NGMAMI KLƆUKLƆU Ɔ

³¹ Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Somi He Ɔ

³¹ se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 20:31 ပူးပေါင်းရင်းမြစ်များ

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Luka 1:4

I pee enɛ ɔ, konɛ níhi nɛ a de mo ɔ, o na anɔkuale ɔ paa.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Yohane 10:10

Se julɔ ɔ lɛɛ ke e ba a, e ba juɔ; e gbeɔ to ɔmɛ, nɛ e kpataa a hɛ mi. Imi lɛɛ i ba, konɛ nyɛ na wami, nɛ nyɛ na kɛ be nɔ.

Yohane 19:35

Nɔ nɛ na nɔ́ nɛ ɔ lɛ ye odase nɛ ɔ, konɛ nyɛ hu nyɛ he ye; ejakaa lɛ nitsɛ e le kaa anɔkuale nɛ e tu.

Yohane 20:28

Toma he nɔ ke, “Ye Nyɔmtsɛ! Ye Mawu!”

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Ni Tsumi 3:16

E he wami nya nɛ a tsa glɔtsɛ nɛ ɔ nɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ná le nɛ ɔ, a nyɛ́ pee akɛnɛ a heɔ lɛ yeɔ. E he Yesu ye, lɔ ɔ he nɛ e na he wami kaa bɔ nɛ nyɛ tsuo nyɛ ngɛ hyɛe ɔ nɛ.

Ni Tsumi 8:36

Benɛ a ngɛ blɔ ɔ nɔ kɛ yaa a, a ya su he ko nɛ nyu ngɛ; kɛkɛ nɛ sɔmɔlɔ nɔkɔtɔma a de ke, “O nɛ nyu; mɛni maa tsi ye sɔlemi nya?” [

Ni Tsumi 8:37

Filipo de lɛ ke, “Ke o heɔ yeɔ kɛ o tsui tsuo ɔ, lɛɛ blɔ ngɛ he faa.” E he nɔ ke, “I heɔ yeɔ kaa Yesu Krsito ji Mawu Bi ɔ nɛ.”]

Ni Tsumi 9:20

E bɔni fiɛmi jamɛ a be ɔ nɔuu ngɛ kpe he ɔmɛ ke Yesu ji Mawu Bi ɔ nɛ.

1 Petro 1:9

ejakaa nyɛ yi wami hemi ɔ nɛ e he nɛ nyɛ heɔ Mawu yeɔ ɔ, nyɛ nine maa su nɔ.

1 Yohane 4:15

Nɔ tsuaa nɔ nɛ jajeɔ paa kaa Yesu ɔ, Mawu Bi ji lɛ ɔ, Mawu hii e mi, nɛ lɛ hu e hii Mawu mi.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

2 Yohane 1:9

Nɔ tsuaa nɔ nɛ maa je Kristo sane kpakpa a se ya tsɔɔ nɔ́ kpa a, e li Mawu. Nɔ nɛ tsɔɔ sane kpakpa a pɛpɛɛpɛ kaa bɔ nɛ e ngɛ kɛ je sisije ɔ, jamɛ a nɔ ɔ le Tsɛ ɔ, kɛ Bi ɔ tsuo.

Kpojemi 2:18

“Bɔfo ɔ nɛ ngɛ asafo ɔ nya ngɛ Tiatira a, ngmaa womi nɛ ɔ ya ha lɛ ke, “Mawu Bi ɔ, nɔ nɛ e hɛngmɛ ngɛ kpɛe kaa la, nɛ e nane hu ngɛ kpɛe kaa ayawa nɛ a tsu he ɔ, sɛ gbi nɛ je e ngɔ ji nɛ ɔ nɛ.