Yohane 20:25 - BAIBLO ALOO NGMAMI KLƆUKLƆU Ɔ

²⁵ Lɔ ɔ he ɔ, kaseli kpa amɛ de lɛ pee se ke, “Wa na Nyɔmtsɛ ɔ!” Se Toma de mɛ ke, “Ja i na e dɛ mi plɛɛko pa amɛ nɛ i kɛ ye nine nguɛ slaa a nya, nɛ i ngɔ ye nine hɔ e kasa mi ɔ hulɔ loko ma he ye.”

Somi He Ɔ

²⁵ Lɔ ɔ he ɔ kaseli kpa amɛ de lɛ ke: “Wa na Nyɔmtsɛ ɔ.” Se e de mɛ ke: “Ja i na e dɛ mi plɛkobi ɔmɛ a nya, nɛ i kɛ ye nguɛ sia plɛkobi ɔmɛ a nya, nɛ i kɛ ye nine hɔ e kasa mi ɔ loko ma he ye.”

Yohane 20:25 ပူးပေါင်းရင်းမြစ်များ

Hiob 9:16

Ke i tsɛ lɛ nɛ e he nɔ pohu, i he we yi kaa ke i tu munyu nɛ e maa bu mi tue.

La 22:16

Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

La 78:32

Ní nɛ ɔmɛ tsuo a se ɔ, ma a ya nɔ pee yayami. Nyakpɛ níhi tsuo nɛ e pee ɔ a se ɔ, a he we lɛ yi.

Mateo 27:42

“E he ni kpahi a yi wami, se lɛ nitsɛ e nɔ́ lɛɛ e nyɛ we nɛ e he! Pi lɛ nɛ e ke lɛ ji Israel matsɛ ɔ! Jehanɛ ɔ lɛɛ é kple si kɛ je sɛumi tso ɔ nɔ koo, kɛkɛ wa ma he ye!

Marko 16:11

Se mɛɛ lɛɛ benɛ a nu kaa Yesu hɛ ngɛ, nɛ Maria ke e na lɛ ɔ, a he we lɛ yi.

Marko 16:13

A kpale a se kɛ ho nɛ a ya de ni nɛmɛ nɛ piɛ ɔ; se a he we mɛ yi.

Marko 16:14

Pee se ɔ, Yesu je e he kpo tsɔɔ ni nyɔngma kɛ kake ɔmɛ nitsɛmɛ benɛ a hii si nɛ a ngɛ ní yee. E ka a hɛ mi, ejakaa nihi nɛ na lɛ benɛ e te si ɔ, a he we mɛ yi, nɛ a wa tue hulɔ.

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

Yohane 21:7

Kaselɔ nɛ Yesu suɔ lɛ ɔ de Petro ke, “Nyɔmtsɛ ɔ nɛ daa si ɔ nɛ.” Benɛ Simon Petro nu nɛ a de ke Nyɔmtsɛ ɔ lɛ daa si ɔ, e wo e tade ɔ ngɔ muɔ e mlɛ mi, nɛ e tu ma pa a mi, ejakaa e hɛɛ e he gu.

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

Hebribi 3:18

Benɛ Mawu ka kita ke, “He nɛ i to kaa a ya jɔɔ a he ngɛ ɔ, ke a nane ma lejɛ ɔ fii” ɔ, mɛnɔmɛ e ngɛ dee? Anɛ pi nihi nɛ gbo tue ɔ lo?