Yohane 20:17 - BAIBLO ALOO NGMAMI KLƆUKLƆU Ɔ

¹⁷ Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Somi He Ɔ

¹⁷ Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

Yohane 20:17 ပူးပေါင်းရင်းမြစ်များ

Matsɛmɛ II, 4:29

Elisha de Gehazi ke, “Esɔ! Moo mia! Ngɔɔ ye dɛma tso ɔ nɛ o ho! Ke o kɛ nɔ ko kpe ngɛ blɔ ɔ nɔ ɔ, ko nga lɛ; ke nɔ ko nga mo ɔ, ko he nɔ. Yaa tɛɛ, nɛ o ya wo ye dɛma tso ɔ nɔ ngɛ jokuɛ ɔ hɛ mi.”

Matsɛmɛ II, 7:9

Kɛkɛ nɛ a de a sibi ke, “Nɔ́ nɛ wa ngɛ pee nɛ ɔ hí! Wa ye manye mwɔnɛ ligbi nɛ ɔ. Ke wa pee dii nɛ wa mlɛ kɛ ya si mɔtu loko wa ya de ɔ, a maa gbla wa tue. Lɔ ɔ he ɔ, nyɛ ha waa ho nɛ wa ya bɔ matsɛ we ɔ amaniɛ.”

La 22:22

Ma wo o biɛ ta ngɛ ye nyɛmimɛ ɔmɛ a hɛ mi. Nɛ ma je o yi ngɛ a he nya buami he ɔ.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 48:14

“Mawu nɛ ɔ ji wa Mawu. Lɛ ji wa Mawu kɛ yaa neneene. Lɛ nɔuu nɛ e maa tsɔɔ wɔ blɔ kɛ maa ya neneene.”

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

La 89:26

E ma tsɛ mi ke, ‘Tsaatsɛ, ye Mawu, ye he bulɔ, kɛ ye yi wami helɔ.’

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Ezekiel 36:28

Jehanɛ zugba a nɛ i ngɔ ha nyɛ nɛmɛ ɔmɛ ɔ, nyɛ maa hi nɔ. Nyɛ maa pee ye ma, nɛ imi hu ma pee nyɛ Mawu.

Ezekiel 37:27

I kɛ mɛ maa hi si. Ma pee a Mawu; nɛ mɛ hu a maa pee ye ma.

Mateo 12:50

Nɔ tsuaa nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní ɔ, lɛ ji ye nyɛminyumu, ye nyɛmiyo, loo maa.”

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 28:7

Nyɛɛ ya esɔesɔ nɛ nyɛ ya de e kaseli ɔmɛ ke, ‘E te si kɛ je gbeje, nɛ e sɛ nyɛ hlami kɛ yaa Galilea. Lejɛ ɔ nyɛ maa na lɛ ngɛ!’ Nyɛ kai nɔ́ nɛ i de nyɛ ɔ oo!”

Marko 12:26

Se kaa ni gbogboehi maa te si ekohu ɔ, anɛ nyɛ kane we mio tso ɔ he sane ɔ ngɛ Mose womi ɔ mi? Lejɛ ɔ nɛ a ngma ngɛ ke Mose ke, ‘Imi ji Abraham, Isak, kɛ Yakob a Mawu ɔ nɛ.’

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Luka 10:4

Nyɛ ko hɛɛ sika kpɛɛ, loo ní balɔ kotoku, loo tokota; nyɛ ko puɛ be kɛ hi nihi ngae ngɛ blɔ ɔ nɔ.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 13:3

Yesu nitsɛ le kaa Tsɛ ɔ ha lɛ he wami tsuo nɛ e kɛ pee nɔ́ tsuaa nɔ́. E le hu kaa Mawu ngɔ nɛ e je kɛ ba, nɛ Mawu ngɔ nɔuu e kpale kɛ yaa.

Yohane 14:2

Sihi hehi babauu ngɛ Tsaatsɛ we ɔ; ke pi ja a, jinɛ i de nyɛ momo, ejakaa i yaa nɛ ma ya dla he ko ngɔ to nyɛ.

Yohane 14:28

I de nyɛ momo ke, ‘I yaa, se ma kpale kɛ ba nyɛ ngɔ.’ Nyɛ nu! Kaa nyɛ suɔ mi ɔ, jinɛ nyɛ ko na bua jɔmi kaa i yaa Tsɛ ɔ ngɔ, ejakaa e pe mi.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 16:28

Niinɛ, i je Tsɛ ɔ ngɔ kɛ ba je ɔ mi, nɛ amlɔ nɛ ɔ, i ngɛ je ɔ mi jee kɛ yaa Tsɛ ɔ ngɔ.”

Yohane 17:11

Amlɔ nɛ ɔ, i be je ɔ mi hu. Mɛɛ a ngɛ je ɔ mi, se imi lɛɛ i ma o ngɔ. Tsaatsɛ klɔuklɔu! Bu a he kɛ mo nitsɛ o he wami nɛ o ngɔ ha mi ɔ, konɛ a pee kake kaa bɔ nɛ i kɛ mo wa ngɛ ɔ.

Yohane 17:25

Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

Yohane 7:33

Yesu de mɛ ke, “E piɛ be bɔɔ pɛ nɛ i kɛ nyɛ maa hi si, kɛkɛ ma kpale kɛ ho nɔ nɛ tsɔ mi ɔ ngɔ ya.

Romabi 8:29

Nihi nɛ Mawu hla ngɔ to momo ɔ, e pee mɛ klɔuklɔu, konɛ a subai nɛ hi kaa Bi ɔ nɔ. Kɛkɛ ɔ, Bi ɔ maa pee nɔkɔtɔma ngɛ e nyɛmimɛ babauu a kpɛti.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.

Kpojemi 21:7

Nihi tsuo nɛ maa ye kunimi ɔ ma na nike ní nɛ ɔ kɛ maa je ye dɛ mi; ma pee a Mawu, nɛ mɛ hu a maa pee ye ma.