Yohane 2:19 - BAIBLO ALOO NGMAMI KLƆUKLƆU Ɔ

¹⁹ Yesu he nɔ ke, “Nyɛɛ ku sɔlemi we nɛ ɔ, nɛ ligbi etɛ se ɔ, ma ma lɛ ekohu.”

Somi He Ɔ

¹⁹ Yesu he nɔ nɛ e de mɛ ke: “Nyɛɛ ku sɔlemi tsu nɛ ɔ, nɛ ligbi etɛ mi ɔ ma ma ekohu.”

Yohane 2:19 ပူးပေါင်းရင်းမြစ်များ

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Mateo 27:40

“Mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ! He mo nitsɛ o yi wami koo! Ke mo ji Mawu Bi ɔ, jee sɛumi tso ɔ nɔ kɛ kple si!”

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Marko 14:58

“Wɔ nitsɛmɛ wa nu nɛ e de ke, ‘Ma ku sɔlemi we nɛ nimli ma nɛ ɔ, nɛ ligbi etɛ se ɔ, ma ma ekpa nɛ pi nimli nɛ ma.’ ”

Marko 15:29

Nihi nɛ bee ɔ tu musu bɔmi munyuhi kɛ si Yesu. A mimiɛ a yi, nɛ a de ke, “Ei, mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ!

Marko 8:31

Jehanɛ Yesu bɔni e kaseli ɔmɛ ní tsɔɔmi ke, “Ja Nɔmlɔ Bi ɔ na amanehlu babauu, nɛ́ ma nimeli ɔmɛ, osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, nɛ ligbi etɛ se ɔ, e maa te si ekohu.”

Yohane 11:25

Yesu de lɛ ke, “Imi ji si temi ɔ, kɛ wami ɔ nɛ. Nɔ tsuaa nɔ nɛ heɔ mi yeɔ ɔ, ke e gbo tete po, e maa hi hɛ ngmengmle;

Yohane 5:19

Jehanɛ ɔ, Yesu ya nɔ nɛ e de mɛ ke, “I ngɛ nyɛ dee anɔkuale mi ke Bi ɔ pee we nɔ́ ko ngɛ lɛ nitsɛ e yi mi tomi nya. Nɔ́ nɛ e na nɛ Tsɛ ɔ ngɛ pee ɔ, lɔ ɔ nɛ e peeɔ. Nɔ́ nɛ Tsɛ ɔ peeɔ ɔ, Bi ɔ hu peeɔ.

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Ni Tsumi 2:32

Mawu tle kikɛmɛ a Yesu nɛ ɔ nɔuu si kɛ je gbeje; lɔ ɔ he odase yeli ji wɔ tsuo.

Ni Tsumi 3:15

Wami matsɛ ɔ, nyɛ gbe lɛ. Se Mawu tle lɛ si kɛ je gbeje; lɔ ɔ nɔuu he odase yeli ji wɔ.

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Ni Tsumi 6:14

Wa nu nɛ e de ke, Yesu, Nazaret no ɔ, maa ku sɔlemi we nɛ ɔ, nɛ e ma tsake blɔ nyahi nɛ Mose ngɔ ha wɔ ɔ.”

Romabi 4:24

Se mohu e kɔɔ wɔ hu wa he, wɔ nihi nɛ a maa wo wɔ nguɔ ja nɔuu ɔ; ejakaa nɔ nɛ tle wa Nyɔmtsɛ Yesu si kɛ ba wami mi ekohu ɔ, wa heɔ lɛ yeɔ.

Romabi 6:4

Lɔ ɔ he ɔ, nɛ a sɔle wɔ ɔ, wa gbo kaa bɔ nɛ Kristo gbo ɔ, nɛ a pu waa kɛ lɛ tsuo, konɛ bɔ nɛ Tsɛ ɔ tle Kristo si ngɛ nyami mi ɔ, wɔ hu wa na wami he.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

1 Korintobi 15:12

Jehanɛ ɔ, akɛnɛ wa sɛ gbi ɔ ji kaa Mawu tle Kristo si kɛ je gbeje ɔ, mɛni he je nyɛ ti ni komɛ deɔ ke a be ni gbogboehi si tlee kɛ ba wami mi ɔ?

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.