Yohane 2:18 - BAIBLO ALOO NGMAMI KLƆUKLƆU Ɔ

¹⁸ Jehanɛ ɔ, Yuda bi ɔmɛ bi Yesu ke, “Mɛni okadi o maa to wɔ kɛ ma nɔ́ nɛ o pee nɛ ɔ nɔ mi?”

Somi He Ɔ

¹⁸ Kɛkɛ nɛ Yudafo ɔmɛ he nɔ nɛ a de lɛ ke: “Mɛni okadi o kɛ ngɛ wɔ tsɔɔe kaa o ngɛ he blɔ nɛ o peɔ enɛ ɔmɛ?”

Yohane 2:18 ပူးပေါင်းရင်းမြစ်များ

Matsɛmɛ I, 13:3

Gbalɔ ɔ ya nɔ nɛ e de ke, “Bɔ sami la tɛ nɛ ɔ mi ma gba enyɔ, nɛ e mi la zu ɔ ma kpa pue si. Nɛ enɛ ɔ maa pee okadi nɛ o kɛ maa na kaa Yawɛ lɛ tu munyu kɛ gu ye nɔ.”

Mose II, 7:9

“Ke Farao ɔ de nyɛ ke nyɛɛ pee nyakpɛ nɔ́ ko nɛ nyɛ kɛ ye nyɛ he odase ɔ, mo de Aaron nɛ e sake e tso ɔ kɛ fɔ zugba ngɛ matsɛ ɔ hɛ mi; nɛ tso ɔ ma plɛ pee sinɔ.”

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Marko 8:11

Farisi bi komɛ ba Yesu ngɔ, nɛ a kɛ lɛ ba bɔni nya sami. A ka lɛ ke e pee nyakpɛ nɔ́ ko kɛ tsɔɔ kaa Mawu lɛ ha lɛ he wami nɛ e kɛ ngɛ ní tsue ɔ.

Luka 11:29

Benɛ ni ɔmɛ a he ba bɔni hiɛmi fuu ɔ, Yesu ya nɔ nɛ e de ke. “Yi nɔ bi nɛ ɔmɛ ɔ, nimli yayamihi ji mɛ! A ngɛ okadi hlae, se a be mɛ eko hae, kaa ja gbalɔ Yona okadi ɔ.

Yohane 1:19

Yuda ma nimeli ɔmɛ nɛ ngɛ Yerusalem ɔ tsɔ osɔfo komɛ, kɛ Levi bi komɛ Yohane ngɔ. A ba bi lɛ ke, “Mɛnɔ ji mo?”

Yohane 1:25

kpale bi lɛ ke, “Ke pi mo ji Kristo ɔ, pi Eliya ji mo, nɛ pi mo ji gbalɔ ɔ hulɔ ɔ, lɛɛ mɛni he nɛ o ngɛ nihi sɔlee mɔ?”

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Ni Tsumi 4:7

A ha bɔfo ɔmɛ ba da a hɛ mi, nɛ a bi mɛ ke, “Kɛ nyɛ pee kɛɛ nɛ nyɛ tsa glɔtsɛ ɔ? Mɛnɔ he wami nya, aloo mɛnɔ biɛ mi nyɛ tsu nɔ́ nɛ ɔ?”

Ni Tsumi 5:28

E bi mɛ ke, “Tse wa fia nyɛ tue mi veveeve ke nyɛ ko ngɔ Yesu biɛ kɛ tsɔɔ ní hu? Se nyɛɛ hyɛ nɔ́ nɛ nyɛ pee! Nyɛ ha nɛ nihi tsuo nɛ ngɛ Yerusalem ɔ nu nyumu nɛ ɔ he sane nɛ nyɛ ngɛ hlae nɛ nyɛɛ tsɔɔ kaa wɔ nɛ wa gbe lɛ!”