Yohane 2:16 - BAIBLO ALOO NGMAMI KLƆUKLƆU Ɔ

¹⁶ Nihi nɛ ngɛ lahuɛhi juae ɔ, e de mɛ ke, “Nyɛ je ní nɛ ɔmɛ kɛ je hiɛ ɔ esɔ! Tsaatsɛ we ɔ, nyɛ ko ngɔ kɛ pee jua nɔ.”

Somi He Ɔ

¹⁶ nɛ e de ninɛmɛ nɛ ngɛ lahuɛ ɔmɛ juae ɔ ke: “Nyɛ je ni nɛ ɔmɛ kɛ je hiɛ ɔ; nyɛ ko ngɔ Tsaatsɛ we ɔ ngɔ pee jua nɔ.”

Yohane 2:16 ပူးပေါင်းရင်းမြစ်များ

Yeremia 7:11

E peeɔ nyɛ kaa ye we ɔ, juli a laami he, pi ja? Nyɛ na nɛ nyɛɛ le kaa níhi nɛ nyɛ ngɛ pee ɔ, i na kɛ ye hɛngmɛ. Imi, Yawɛ lɛ i de.

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Mateo 21:13

nɛ e de mɛ ke, “A ngma ngɛ ngmami ɔmɛ a mi ke, Mawu de ke, ‘A ma tsɛ ye we ɔ sɔlemi we.’ Se nyɛɛ lɛɛ nyɛ ngɔ kɛ pee ojo fiali a laami he!”

Mateo 22:5

Se mɛɛ lɛɛ a bui tete, nɛ nɔ tsuaa nɔ ngɔ e blɔ; nɔ kake ho ngmɔ mi ya, nɛ nɔ kake hu ho konɛ e ya ye jua.

Marko 11:17

E tsɔɔ ni ɔmɛ ke, “A ngma ke, ‘Ye we ɔ, a ma tsɛ lɛ je ɔ tsuo sɔlemi we’. Se nyɛɛ lɛɛ nyɛɛ kɛ pee ojo fiali a laami he!”

Luka 2:49

E bi mɛ ke, “Mɛni he je nyɛ ngɛ mi hlae? Anɛ nyɛ li kaa e sa kaa ma hi Tsaatsɛ we ɔ lo?”

Yohane 10:29

Tsaatsɛ ha mi nɔ́ ko nɛ pe níhi tsuo, nɛ nɔ ko nɔ ko be nyɛe ma kpɔ ní nɛ ɔmɛ ngɛ Tsɛ ɔ dɛ.

Yohane 2:15

Kɛkɛ nɛ Yesu ngɔ tangme tsɔwi kɛ pee kpa, nɛ e fie jua yeli ɔmɛ, kɛ a to ɔmɛ, kɛ na amɛ tsuo kɛ je sɔlemi we ɔ. E tsitsɛɛ sika tsakeli ɔmɛ a we okplɔɔ ɔmɛ ngɔ fia si, nɛ e plɛ a sika amɛ ngɔ pue si.

Yohane 20:17

Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Yohane 5:17

Yesu de mɛ ke, “Tsaatsɛ ngɛ ní tsue be tsuaa be, nɛ imi hu i ngɛ ní tsue.”

Yohane 8:49

Yesu he nɔ ke, “Mumi yayami be ye mi. Imi lɛɛ Tsaatsɛ hɛ mi nyami i woɔ, se nyɛɛ lɛɛ nyɛ ngɛ ye he guɛ gbee.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.