Yohane 2:13 - BAIBLO ALOO NGMAMI KLƆUKLƆU Ɔ

¹³ Benɛ Yuda bi ɔmɛ a Hetsɔmi nyami be ɔ su ɔ, Yesu ya Yerusalem.

Somi He Ɔ

¹³ Yudafo ɔmɛ a Hetsɔmi ɔ su ta nɛ Yesu ya Yerusalem.

Yohane 2:13 ပူးပေါင်းရင်းမြစ်များ

Nehemia 13:8

nɛ i kɛ hɛdɔ ya je Tobia ní ɔmɛ tsuo kpo ngɔ hɛ pue he.

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Marko 11:15

Benɛ a su Yerusalem ɔ, Yesu ya sɔlemi we ɔ, nɛ e bɔni nihi nɛ ngɛ ní juae, kɛ ni nɛmɛ nɛ ngɛ ní hee ngɛ lejɛ ɔ fiemi. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si.

Luka 19:45

Enɛ ɔ se ɔ, Yesu ya sɔlemi we ɔ, nɛ e ya bɔni nihi nɛ ngɛ ní juae ngɛ lejɛ ɔ fiemi.

Luka 2:41

Daa jeha a, Yesu fɔli ɔmɛ yaa Yerusalem ya yeɔ Hetsɔmi nyami ɔ.

Yohane 11:55

Jehanɛ ɔ, Hetsɔmi nyami be ɔ su ta; lɔ ɔ he ɔ, nihi babauu nɛ je ngmɔ si ɔ pue nɔ kɛ ho Yerusalem ya. Kusumi nɛ a peeɔ kɛ tsukɔɔ a he ɔ, a ya konɛ a ya pee loko nyami be ɔ nɛ su.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 5:1

Enɛ ɔ se ɔ, Yuda bi ɔmɛ ngɛ nyami ligbi yee ngɛ Yerusalem, nɛ Yesu ya lejɛ ɔ.

Yohane 6:4

Be nɛ Yuda bi ɔmɛ maa ye Hetsɔmi nyami ɔ su ta.

Mose V, 16:16

“Israel ma a mi nyumu ɔmɛ tsuo kulaa nɛ a bua a he nya si etɛ ngɛ jeha mi ngɛ he kake ɔ nɛ Yawɛ, nyɛ Mawu ɔ to nɛ a ja lɛ ngɛ ɔ. Be ɔmɛ ji Hetsɔmi nyami be, Ngmakpami nyami be, kɛ Gbasisihimi nyami be. Nɔ ko nɔ ko nɛ ko ba nyami nɛ ɔ kɛ e dɛ gu.