Yohane 2:11 - BAIBLO ALOO NGMAMI KLƆUKLƆU Ɔ

¹¹ Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Somi He Ɔ

¹¹ Enɛ ɔ Yesu kɛ je e nyakpɛ ni ɔmɛ a sisi ngɛ Kana ngɛ Galilea, nɛ e ngɔ e hɛ mi nyami ɔ ngɔ tsɔɔ, nɛ e kaseli ɔmɛ he e nɔ ye.

Yohane 2:11 ပူးပေါင်းရင်းမြစ်များ

Matsɛmɛ I, 17:24

Yo ɔ he nɔ ke, “Kpaako loko i na kaa Mawu nɔmlɔ ji mo, nɛ Yawɛ tuɔ munyu kɛ guɔ o nɔ niinɛ!”

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

La 96:3

Nyɛɛ fiɛ nɛ je ma amɛ tsuo nɛ a nu kaa Yawɛ hɛ mi ngɛ nyami, kaa e tsuɔ ní nguanguahi.

Mose II, 14:31

Benɛ Israel bi ɔmɛ na he wami nguaa nɛ Yawɛ kɛ ye Egipt bi ɔmɛ a nɔ ɔ, a ye lɛ gbeye, nɛ a he lɛ, kɛ e tsɔlɔ Mose ɔ ye.

Mose II, 4:9

Nɛ ke a he we okadi enyɔ ɔmɛ yi, nɛ jehanɛ hu a bui mo tue ɔ, lɛɛ o ma ya yɛ nyu ngɛ Nilo pa a mi, nɛ o ma plɛ pue zugba gbigbli nɔ, nɛ Nilo pa a mi nyu ɔ ma plɛ pee muɔ ngɛ zugba a.”

Fiɛlɔ 9:7

Yaa nɛ o ya ye ní, nɛ o na bua jɔmi. Yaa nu wai, nɛ o tsui nɛ nɔ o mi; o ní tsumi ɔ sa Mawu hɛ mi momo.

Yesaya 40:5

Kɛkɛ ɔ, Yawɛ hɛ mi nyami ɔ maa je kpo paa nɛ nimli adesahi tsuo maa na. Bɔ nɛ Yawɛ de to ji nɛ ɔ nɛ.”

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 1:43

E nɔ jena a, Yesu to e yi mi kaa e maa ya Galilea. Kɛkɛ nɛ e kɛ Filipo kpe, nɛ e de lɛ ke, “Filipo, nyɛɛ ye se.”

Yohane 1:50

Jehanɛ ɔ, Yesu bi Natanael ke, “Akɛnɛ i de mo ke i na mo ngɛ ngmɔkɔ tso ɔ sisi ɔ, lɔ ɔ he nɛ o he ye ɔ? O maa na ní nguahi nɛ pe enɛ ɔ.”

Yohane 10:41

Nihi babauu ba e ngɔ, nɛ a de ke, “Yohane pee we okadi ko lɛɛ, se níhi tsuo nɛ e de ngɛ nɔmlɔ nɛ ɔ he ɔ, anɔkuale sisiisi.”

Yohane 11:15

se e ngɔ ye nya kaa i be lejɛ ɔ, bɔ nɛ pee nɛ nyɛ he ye. Nyɛ ha waa ya e ngɔ.”

Yohane 11:47

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɛ kpe ngua a mi bi ɔmɛ kɛ kpe, nɛ a de ke, “Kɛ wa maa pee kɛɛ? Nyɛɛ hyɛ níhi tsuo nɛ nyumu nɛ ɔ ngɛ pee kɛ ngɛ okadi toe.

Yohane 12:18

Kikɛmɛ a okadi nɛ ɔ nɛ e to mɛ ɔ he nɛ ma kpekpemi ɔ ya kpee lɛ ɔ nɛ.

Yohane 12:37

Yesu pee ní nɛ ɔmɛ tsuo kɛ to okadi ngɛ ni ɔmɛ a hɛ mi paa, se a he we lɛ yi,

Yohane 12:41

Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Yohane 14:13

Ke nyɛ kpa nɔ́ ko he pɛɛ ngɛ ye biɛ mi ɔ, ma pee; kɛkɛ ɔ, kɛ gu Bi ɔ nɔ ɔ, a maa wo Tsɛ ɔ hɛ mi nyami.

Yohane 16:27

ejakaa Tsɛ ɔ nitsɛ ngɛ nyɛ he suɔmi. Tsɛ ɔ suɔ nyɛ, ejakaa nyɛ suɔ mi, nɛ nyɛ he ye kaa Mawu ngɔ nɛ i je kɛ ba.

Yohane 16:30

Amlɔ nɛ ɔ lɛɛ wa na kaa o le nɔ́ tsuaa nɔ́, nɛ e hia we nɛ nɔ ko nɛ bi mo sane ko. Jehanɛ lɛɛ wa he ye kaa Mawu ngɔ nɛ o je kɛ ba.”

Yohane 2:1

E nɔ ligbi etɛ ɔ, a kpee yo ngɛ Galilea ma nɛ a tsɛɛ Kana a. Yesu nyɛ ya lejɛ ɔ;

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 4:3

Lɔ ɔ he ɔ, benɛ Yesu nu nɔ́ nɛ a ngɛ dee ngɛ e he ɔ, e je Yudea, nɛ e kpale e se kɛ ho Galilea ya.

Yohane 4:46

Jehanɛ ɔ, Yesu kpale kɛ ba Kana ngɛ Galilea, he nɛ e ha nyu plɛ pee wai ngɛ be ko ɔ ekohu. Tsɔlɔ nɔkɔtɔma ko ngɛ Kapernaum nɛ e bi be he wami.

Yohane 4:54

Enɛ ɔ ji okadi enyɔne nɛ Yesu pee benɛ e je Yudea kɛ ba Galilea a.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Yohane 6:26

Yesu he nɔ ke, “I ngɛ nyɛ dee anɔkuale mi ke, pi okadihi nɛ nyɛ na a a he nɛ nyɛ ngɛ mi hlae; se mohu abolo ɔ nɛ nyɛ ye nɛ nyɛ tɔ ɔ he nɛ nyɛ ngɛ mi hlae ɔ nɛ.

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Yohane 7:31

Ma mi bi ɔmɛ a ti nihi babauu he Yesu ye, lɔ ɔ he ɔ, a bi ke, “Anɛ Mesia a nɛ maa ba a ma nyɛ to okadi pe nɔmlɔ nɛ ɔ lo?”

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Mose V, 5:24

‘Hyɛ kaa Yawɛ, wa Mawu ɔ ha nɛ wa na e we agboje, kɛ e hɛ mi nyami ɔ, benɛ wa nu e gbi nɛ e tu munyu kɛ je la a mi ɔ! Mwɔnɛ ɔ, wa na kaa ke Mawu kɛ nɔmlɔ adesa tu munyu po nɔmlɔ adesa ma nyɛ maa hi je mi hɛ ngmengmle.

1 Yohane 5:13

I ngɛ nyɛ womi nɛ ɔ ngmae, konɛ nyɛ nihi nɛ nyɛ heɔ Mawu Bi ɔ yeɔ ɔ, nyɛ ná nɛ nyɛɛ le kaa nyɛ ngɛ neneene wami.