Yohane 19:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, e kpale sɛ mɔ ɔ mi, nɛ e bi Yesu ke, “Jije o je?” Se Yesu pui e nya mi.

Somi He Ɔ

⁹ nɛ e sɛ kojomi he ɔ ekohu, nɛ e bi Yesu ke: “Jije o je?” Se Yesu pui e nya mi.

Yohane 19:9 ပူးပေါင်းရင်းမြစ်များ

Yesaya 53:7

“A wa lɛ yi mi, nɛ a pi lɛ; se e kpɛ we e kuɔ si! A kpaka lɛ kɛ ho kaa to bi nɛ a yaa gbe. Nɛ bɔ nɛ jijɔ peeɔ kpoo ngɛ e he bwɔmi salɔ hɛ mi ɔ, ja nɔuu e kpɛ we e kuɔ si.

Mateo 26:63

Se Yesu pɛ̃ e nya mi. Osɔfo nɔkɔtɔma pe kulaa a kɛ lɛ tu munyu ekohu ke, “I ngɛ mo kita kae ngɛ Mawu hɛ kalɔ ɔ biɛ mi kaa ke mo ji Kristo, Mawu Bi ɔ, de wɔ!”

Mateo 27:27

Jehanɛ ɔ, Pilato ta buli ɔmɛ ngɔ Yesu kɛ ba amlaalo ɔ we ɔ mi; nɛ tabo ɔ tsuo ba bua kɛ bɔle Yesu kɛ kpe.

Luka 23:9

Enɛ ɔ ha nɛ e bi Yesu munyuhi fuu, se e ha we lɛ kake po heto.

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Yohane 18:33

Kɛkɛ nɛ Pilato kpale e se kɛ sɛ mɔ ɔ mi, nɛ e tsɛ Yesu, nɛ e bi lɛ ke, “Mo ji Yuda bi ɔmɛ a matsɛ ɔ?”

Yohane 18:34

Yesu he nɔ ke, “Mo nitsɛ o yi mi nɛ o to kɛ ngɛ enɛ ɔ dee, aloo ni komɛ lɛ a de mo ja ngɛ ye he?”

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Yohane 19:10

Pilato de lɛ ke, “O be ye nya mi poe? O li kaa i ngɛ he blɔ kaa i sɛuɔ mo, nɛ i ngɛ he blɔ hulɔ kaa i ngmɛɛ o he lo?”

Yohane 19:8

Benɛ Pilato nu munyu nɛ ɔ, e ye gbeye pe kekle ɔ po.

Yohane 8:14

Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.

Filipibi 1:28

Nyɛ ko ha nɛ nihi nɛ teɔ si woɔ nyɛ ɔ a ní peepee nɛ wo nyɛ he gbeye. Nyɛɛ pee kã be tsuaa be. Lɔ ɔ ma ha nɛ a maa na paa kaa a hɛ mi ma kpata, se nyɛɛ lɛɛ a ma he nyɛ yi wami. Ejakaa enɛ ɔ lɛɛ Mawu dɛ mi e je.

Manyadali 13:6

Yo ɔ ba nɛ e ba de e huno ɔ ke, “Mawu nɔmlɔ ko ba ye ngɔ; e hɛ mi ngɛ gbeye kaa Mawu bɔfo hɛ mi. I bi we lɛ he nɛ e je, nɛ lɛ hu e tsɔɔ we mi e biɛ.