Yohane 19:6 - BAIBLO ALOO NGMAMI KLƆUKLƆU Ɔ

⁶ Benɛ osɔfo nikɔtɔma amɛ, kɛ tsɔli ɔmɛ na Yesu ɔ, a kpa ngmlaa ke, “Sɛu lɛ! Sɛu lɛ!” Pilato de mɛ ke, “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ; ejakaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Somi He Ɔ

⁶ Jeha nɛ ɔ benɛ osɔfo nikɔtɔma amɛ kɛ sɔmɔli ɔmɛ na lɛ ɔ, a kpa ngmlaa ke: “Sɛu lɛ, sɛu lɛ!” Pilato de mɛ ke: “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ, ejakaa imi lɛɛ i nɛ fɔ bumi sane ko ngɛ e he.”

Yohane 19:6 ပူးပေါင်းရင်းမြစ်များ

Yohane 18:31

Pilato de mɛ ke, “Lɛɛ nyɛ nitsɛmɛ nyɛɛ ngɔ lɛ nɛ nyɛ ya kojo lɛ ngɛ nyɛ nitsɛmɛ nyɛ mlaa nya mɔ.” A he nɔ ke, “Wɔɔ lɛɛ wa be he blɔ nɛ wa gbeɔ nɔ.”

Yohane 19:4

Pilato kpale je kpo ekohu, nɛ e de ma kpekpemi ɔ ke, “I kɛ lɛ ngɛ kpo jee kɛ ma nyɛ ngɔ hiɛmɛ nɛ ɔ, konɛ nyɛ na nyɛɛ le kaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Luka 23:4

Jehanɛ ɔ, Pilato de osɔfo nikɔtɔma amɛ, kɛ ma kpekpemi ɔ nɛ ngɛ lejɛ ɔ ke, “I nɛ nɔ́ yayami ko ngɛ nyumu nɛ ɔ he nɛ buɔ lɛ fɔ.”

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Mateo 27:22

Pilato bi mɛ ke, “Lɛɛ mɛni ma pee Yesu nɛ a tsɛɛ lɛ Kristo ɔ he mɔ?” Mɛ tsuo a he nɔ ke, “Sɛu lɛ!”

Mateo 26:58

Petro nyɛɛ a se ngɛ lokoo kɛ ya su kue ɔ he, ngɛ osɔfo nɔkɔtɔma pe kulaa a we ɔ mi. E sɛ we ɔ mi, nɛ e ya hi si ngɛ ta buli ɔmɛ a kasa nya, konɛ e kɛ hyɛ bɔ nɛ nyagbe ɔ maa ba ha.

Yohane 18:3

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɔ Roma ta buli komɛ, kɛ sɔlemi we ɔ tsɔli komɛ abɔɔ ɔ mi, nɛ Yuda nyɛɛ a hɛ mi. A dla a he kaa nihi nɛ yaa ta, nɛ a hɛɛ kanehi, kɛ jatɛhi.

Yohane 18:38

Pilato bi lɛ ke, “Mɛni ji anɔkuale?” Enɛ ɔ se ɔ, Pilato kpale je kpo ekohu kɛ ya Yuda bi ɔmɛ a ngɔ, nɛ e ya de mɛ ke, “Imi lɛɛ i nɛ sane yobu ko kulaa ngɛ e he nɛ ma da nɔ kɛ bu lɛ fɔ.