Yohane 19:42 - BAIBLO ALOO NGMAMI KLƆUKLƆU Ɔ

⁴² Lɔ ɔ he ɔ, a ya to Yesu gbogboe ɔ ngɛ lejɛ ɔ, ejakaa yɔkɔ ɔ he kɛ we, nɛ jehanɛ ɔ hu, jamɛ a ligbi ɔ nɛ a dlaa he kɛ haa Hejɔɔmi ligbi ɔ nɛ.

Somi He Ɔ

⁴² lɔ ɔ he ɔ, a ya dla Yesu ngɛ lejɛ ɔ ngɛ Yudafo ɔmɛ a he dlami kɛ tomi ligbi ɔ he, ejakaa yɔkɔ ɔ he kɛ we.

Yohane 19:42 ပူးပေါင်းရင်းမြစ်များ

Yohane 19:31

Enɛ ɔ se ɔ, Yuda ma nimeli ɔmɛ ya na Pilato kaa e ngmɛ mɛ blɔ nɛ a ku nihi nɛ a gbe ɔ a nanehi, nɛ a je mɛ kɛ je sɛumi tso ɔ nɔ. Jamɛ a ligbi ɔ nɛ a dlaa he kɛ haa Hetsɔmi ɔ, lɔ ɔ he ɔ, a sume nɛ gbogboe ɔmɛ nɛ a hi sɛumi tso nɔ kɛ yaa si Hejɔɔmi ligbi ɔ, ejakaa Hejɔɔmi ligbi nguaa nitsɛ lɛ ngɛ a hɛ mi.

Yohane 19:14

Jamɛ a ligbi ɔ nɛ a dlaa he kɛ toɔ Hetsɔmi ɔ nɛ; nɛ maa pee piani ngmlɛ nyɔngma kɛ enyɔ ɔ, Pilato de ma a ke, “Ne nyɛ matsɛ ɔ!”

Yohane 19:41

He nɛ a sɛu Yesu ngɛ ɔ, abɔɔ ko ngɛ lejɛ ɔ kɛ e mi yɔkɔ he nɛ a to we nɔ ngɛ mi hyɛ.

Yesaya 53:9

E gbo ngɛ yayami peeli a kpɛti, nɛ a pu lɛ ngɛ niatsɛ ko yɔkɔ mi; se anɔkuale mi ɔ, e yi nɔ ko awi hyɛ, nɛ lakpa ko hu ji e nya hyɛ.”

Kolosebi 2:12

Nɛ a sɔle nyɛ ɔ, e tsɔɔ kaa a pu nyɛ ngɔ piɛ Kristo he; nɛ Mawu tle nyɛɛ kɛ Kristo tsuo si ekohu. Ejakaa nyɛ heɔ yeɔ kaa Mawu ngɛ he wami kpetekpleenyɛ, nɛ e tle Kristo si hulɔ.

1 Korintobi 15:4

Ngmami ɔmɛ ke a pu lɛ, nɛ ligbi nɛ ji ligbi etɛ ɔ, a tle lɛ si kɛ ba wami mi ekohu.

Ni Tsumi 13:29

Benɛ a pee nɔ́ tsuaa nɔ́ gbe nya kaa bɔ nɛ ngmami ɔ deɔ ngɛ e he ɔ, a je lɛ kɛ je tso ɔ nɔ, nɛ a ya to lɛ ngɛ yɔkɔ ko mi.

Yohane 19:20

Yuda bi ɔmɛ a ti nihi babauu kane nɔ nɛ a ngma a, ejakaa he nɛ a sɛu Yesu ngɛ ɔ kɛ ma a mi kɛ we; nɛ a ngma nɔ́ ɔ ngɛ Hebri, kɛ Roma, kɛ Hela gbi mi.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.