Yohane 19:41 - BAIBLO ALOO NGMAMI KLƆUKLƆU Ɔ

⁴¹ He nɛ a sɛu Yesu ngɛ ɔ, abɔɔ ko ngɛ lejɛ ɔ kɛ e mi yɔkɔ he nɛ a to we nɔ ngɛ mi hyɛ.

Somi He Ɔ

⁴¹ Se he nɛ a sɛu Yesu ngɛ ɔ, abɔɔ ko ngɛ lejɛ ɔ, nɛ yɔkɔ he ko ngɛ abɔɔ ɔ mi nɛ a tui no ko ngɛ mi hyɛ;

Yohane 19:41 ပူးပေါင်းရင်းမြစ်များ

Luka 23:53

E ya je gbogboe ɔ kɛ kple si, nɛ e ngɔ kploba ngɔ blaa lɛ, nɛ e ya to lɛ ngɛ yɔkɔ ko mi. Yɔkɔ nɛ ɔ, a kpɛ ngɛ tɛ sa mi, nɛ a tui nɔ ngɛ mi hyɛ.

Mateo 27:60

nɛ e ngɔ lɛ ya fɔ lɛ nitsɛ e yɔkɔ he nɛ e ha a kpɛ ngɛ tɛ sa mi ɔ mi. Lɔ ɔ se ɔ, e kpɛne tɛ agbo kɛ tsi yɔkɔ ɔ nya, nɛ e je.

Yohane 20:15

Yesu bi lɛ ke, “Maa, mɛni he je nɛ o ngɛ ya foe ɔ? Mɛnɔ o ngɛ hlae?” Maria susu kaa eko ɔ, abɔɔ ɔ mi dlalɔ ji lɛ, lɔ ɔ he ɔ, e de Yesu ke, “Nyɔmtsɛ, ke mo nɛ o ba wo lɛ kɛ je hiɛ ɔ, lɛɛ tsɔɔ mi he nɛ o kɛ lɛ ya fɔ nɛ ma ya wo lɛ.”

Yesaya 22:16

“Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Matsɛmɛ II, 23:30

E tsɔli ɔmɛ kɛ e gbogboe ɔ wo ta zugba lɛ mi, nɛ a ya pu lɛ ngɛ matsɛmɛ ɔmɛ a yɔkɔ ɔ mi ngɛ Yerusalem. Lɔ ɔ se ɔ, Yuda ma a hla Yosia binyumu Yoahaz, nɛ a pɔ lɛ nu nɛ a wo lɛ matsɛ ngɛ e tsɛ ɔ se.

Yohane 19:42

Lɔ ɔ he ɔ, a ya to Yesu gbogboe ɔ ngɛ lejɛ ɔ, ejakaa yɔkɔ ɔ he kɛ we, nɛ jehanɛ ɔ hu, jamɛ a ligbi ɔ nɛ a dlaa he kɛ haa Hejɔɔmi ligbi ɔ nɛ.