Yohane 19:39 - BAIBLO ALOO NGMAMI KLƆUKLƆU Ɔ

³⁹ Nikodemo, nɔ nɛ be ko e ya Yesu ngɔ nyɔ mi ɔ, lɛ hu e ngɔ tsopa kɛ e he via, nɛ ji mire kɛ aloe nɛ a futu, nɛ jiimi maa pee kilo nyingmi etɛ kɛ ba, nɛ e piɛ Yosef he kɛ ho.

Somi He Ɔ

³⁹ Nɛ Nikodemo, nɔ nɛ kekle ko nɛ e ba Yesu ngɔ nyɔ mi ɔ, hu kɛ mire kɛ aloe nɛ a futu maa pee sɛni tɛ jiɔmi lafa ba.

Yohane 19:39 ပူးပေါင်းရင်းမြစ်များ

Mose I, 50:2

E fa e tsɔli nɛ peeɔ tsopa a ke a wo e tsɛ ɔ tsopa konɛ e ko puɛ; nɛ a pee ja.

Kronika II, 16:14

nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

Abɛ Womi 7:17

I kɛ tsopa kɛ e he via nɛ ɔmɛ wo sa a mi: mimɛ, aloe, kɛ sinamon.

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

Lahi 4:14

safron, kalamo, kɛ sinamon, loo tsopa kɛ e he via kpa slɔɔtoslɔɔtohi. Mimɛ kɛ tsopa tso kpahi nɛ jee via hu pɔ he ngɛ lejɛ ɔ.

Lahi 4:6

Ma hi yo ɔ nɔ he nɛ mimɛ ngɛ ɔ; ma hi yoku ɔ nɔ he nɛ tsopa kɛ e he via ngɛ ɔ, kɛ yaa su be nɛ mɔtu kɔɔhiɔ ma bɔni fiami, nɛ je mi ma tsɔ.

Mateo 12:20

E kɛ nihi nɛ gbɔjɔ ɔ maa hi si ngɛ he jɔmi mi. E maa na dɛgutsɛmɛ mɔbɔ. E ma tsu ní nɛ ɔ hluu kɛ yaa si e ma ha nɛ dami sane yemi ma he si.

Mateo 19:30

Se nihi fuu nɛ sɛ hlami amlɔ nɛ ɔ ma ba pee sekpɛli, nɛ sekpɛli ma ba pee hlami sɛli.

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Marko 16:1

Benɛ Hejɔɔmi ligbi ɔ be ɔ, Maria Magdalena, kɛ Yakobo nyɛ Maria, kɛ Salome ya he tsopa kɛ e he via, konɛ a kɛ ba kpa Yesu gbogboe ɔ.

Yohane 12:3

Kɛkɛ nɛ Maria ngɔ nardo nu ngmingmiingmi nɛ he jua wa saminya lita fa, nɛ e kɛ ba pɔ Yesu nane, nɛ e kɛ e yi bwɔmi tsu e nane ɔmɛ a he. Nu ɔ he via a kpe we ɔ mi tsuo;

Yohane 12:7

Se Yesu he nɔ ke, “Koo doo e nya; e pee nɔ nɛ ɔ ngɔ to ye pumi be.