Yohane 19:38 - BAIBLO ALOO NGMAMI KLƆUKLƆU Ɔ

³⁸ Pee se ɔ, Yosef nɛ je Arimatia ya bi Pilato nɛ́ e ha lɛ blɔ, nɛ e ya ngɔ Yesu gbogboe ɔ. Yosef ɔ, Yesu se nyɛɛlɔ ji lɛ, se Yuda bi ɔmɛ a he gbeye he je ɔ, e je we e he si paa. Pilato ha lɛ blɔ; lɔ ɔ he ɔ, Yosef ho nɛ e ya je gbogboe ɔ.

Somi He Ɔ

³⁸ Ni nɛ ɔmɛ a se ɔ, Yosef nɛ je Arimatia nɛ ji Yesu kaselɔ, se Yudafo ɔmɛ a he gbeye he ɔ e je we e he si ɔ, ya bi Pilato, konɛ e ha nɛ e ya je Yesu gbogboe ɔ; nɛ Pilato ha lɛ he blɔ. Lɔ ɔ he ɔ, e ho nɛ e ya je Yesu gebogboe ɔ kɛ ho.

Yohane 19:38 ပူးပေါင်းရင်းမြစ်များ

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Filipibi 1:14

Tsu nɛ a wo mi ɔ, ha nɛ nyɛmimɛ ɔmɛ a ti nihi babauu ba ngɔ a hɛ kɛ fɔ Nyɔmtsɛ ɔ nɔ wawɛɛ, nɛ a kɛ kã ngɛ Mawu sɛ gbi ɔ fiɛe nɛ a yi gbeye.

Yohane 7:13

Se kɛ̃ ɔ, nɔ ko nɔ ko nyɛ we nɛ e tu Yesu he munyu ngɛ ma a hɛ mi paa, ejakaa a ngɛ Yuda bi ɔmɛ gbeye yee.

Yohane 12:42

Yuda ma nimeli ɔmɛ a ti nihi babauu he Yesu ye, se Farisi bi ɔmɛ a he ɔ, a nyɛ we nɛ a ye odase paa, bɔ nɛ pee nɛ a ko fie mɛ ngɛ kpe he ɔ.

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Ni Tsumi 13:29

Benɛ a pee nɔ́ tsuaa nɔ́ gbe nya kaa bɔ nɛ ngmami ɔ deɔ ngɛ e he ɔ, a je lɛ kɛ je tso ɔ nɔ, nɛ a ya to lɛ ngɛ yɔkɔ ko mi.