Yohane 19:36 - BAIBLO ALOO NGMAMI KLƆUKLƆU Ɔ

³⁶ A pee enɛ ɔ, konɛ nɔ nɛ a ngma ke, “A be e wu ko kue” ɔ, nɛ ba mi.

Somi He Ɔ

³⁶ Ejakaa a pee ni nɛ ɔmɛ, konɛ nɔ́ nɛ a ngma ke: “A be e wu ko kue” ɔ nɛ ba mi.

Yohane 19:36 ပူးပေါင်းရင်းမြစ်များ

La 34:20

Yawɛ hyɛɛ e nɔ saminya; e wu kake ngmelu po ku we ngɛ e wu ɔmɛ tsuo a kpɛti.

Mose IV, 9:12

A ko si eko nɛ je nɛ na yi, nɛ á ko ywia lohwe ɔ wu ko hulɔ; a ye Hetsɔmi ɔ kaa bɔ nɛ mlaa a tsɔɔ ɔ.

Mose II, 12:46

Nɔ tsuaa nɔ nɛ ye ní ɔ ngɛ we mi he nɛ a gbe to ɔ ngɛ ɔ; a kɛ lo ɔ eko ko je kpo kɛ je we ɔ mi, nɛ a ko ywia lohwe ɔ wu ko hulɔ.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Mateo 1:22

A pee ní nɛ ɔmɛ tsuo, konɛ nɔ́ nɛ Nyɔmtsɛ ɔ de kɛ gu gbalɔ ɔ nɔ ɔ nɛ ba mi. Nyɔmtsɛ ɔ ke,

La 35:10

Ma de kɛ je ye tsui mi tɔɔ ke, “Yawɛ, mɛnɔ lɛ e kɛ mo sɔ? Mo lɛ o jeɔ nɔ nɛ he wɛ kɛ jeɔ nɔ nɛ he wa pe lɛ ɔ dɛ mi. Mo lɛ o jeɔ dɛgutsɛ kɛ jeɔ nɔ nɛ waa lɛ yi mi ɔ dɛ mi.”

Yohane 19:24

Lɔ ɔ he ɔ, ta buli ɔmɛ de a he ke, “Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.” Kɛkɛ ɔ, ngmami ɔ nɛ deɔ ke, “A dla ye tade ɔmɛ ngɔ ha a he; nɛ ye tade klɔii ɔ, a fɔ̃ nɔ sɔ” ɔ maa ba mi. Nɔ́ nɛ ta buli ɔmɛ pee ɔ ji nɛ ɔ nɛ.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Matsɛmɛ II, 15:12

Lɔ ɔ he ɔ, si nɛ Yawɛ wo Matsɛ Yehu ɔ ba mi. Yawɛ de lɛ ke, “O bimɛ maa ye matsɛ ngɛ Israel kɛ yaa si yi nɔ nɛ ji eywiɛ ɔ.”