Yohane 19:28 - BAIBLO ALOO NGMAMI KLƆUKLƆU Ɔ

²⁸ Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Somi He Ɔ

²⁸ Nɛ enɛ ɔ se ɔ, akɛnɛ Yesu le kaa a gbe nihi kulaa nya momo ɔ, benɛ pee nɛ ngmami ɔ nɛ na ba mi ɔ, e ke: “Kuma ngɛ mi yee.”

Yohane 19:28 ပူးပေါင်းရင်းမြစ်များ

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

La 69:21

A ha mi duɔ ngɛ niye ní nane mi; nɛ benɛ kuma ngɛ mi yee ɔ, a ha mi dã nɛ kuã ke ma nu.

Luka 12:50

A maa ngɔ mi kɛ wo amanehlu nɛ nya wa mi, nɛ ye he ngɛ mi hiae kɛ yaa si a maa gbe nya!

Luka 18:31

Yesu tsɛ ni nyɔngma kɛ enyɔ ɔmɛ kɛ ba se, nɛ e de mɛ ke, “Nyɛ ngɛ tue bue! Wa yaa Yerusalem, nɛ lejɛ ɔ lɛ níhi tsuo nɛ gbali ɔmɛ ngma ngɛ Nɔmlɔ Bi ɔ he ɔ maa ba mi ngɛ.

Luka 22:37

Ejakaa ngmami ɔ nɛ deɔ ke, ‘A bu lɛ ngɔ ta yayami peeli a he’ ɔ, ye he a ngma ngɛ. Nɛ nɔ́ tsuaa nɔ́ nɛ ngmami ɔ deɔ ngɛ ye he ɔ, ja e ba mi.”

Luka 9:31

A ba kɛ hɛ mi nyami, nɛ a kɛ Yesu ba tu munyu nɛ kɔɔ gbenɔ nɛ e yaa gbo ngɛ Yerusalem ɔ he.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 17:4

I wo o hɛ mi nyami ngɛ je ɔ mi; ní tsumi nɛ o tu kɛ wo ye dɛ mi ɔ, i gbe nya.

Yohane 18:4

Yesu le nɔ́ tsuaa nɔ́ nɛ a maa pee lɛ ɔ momo; lɔ ɔ he ɔ, e hɛ lɛ kɛ ba hɛ mi nɛ e bi mɛ ke, “Mɛnɔ nyɛ ngɛ hlae?”

Yohane 19:24

Lɔ ɔ he ɔ, ta buli ɔmɛ de a he ke, “Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.” Kɛkɛ ɔ, ngmami ɔ nɛ deɔ ke, “A dla ye tade ɔmɛ ngɔ ha a he; nɛ ye tade klɔii ɔ, a fɔ̃ nɔ sɔ” ɔ maa ba mi. Nɔ́ nɛ ta buli ɔmɛ pee ɔ ji nɛ ɔ nɛ.

Yohane 19:30

Benɛ Yesu he dã nɛ kuã a, e de ke, “A gbe nya!” Kɛkɛ nɛ e ma e yi si, nɛ e ngɔ e nya.

Yohane 19:36

A pee enɛ ɔ, konɛ nɔ nɛ a ngma ke, “A be e wu ko kue” ɔ, nɛ ba mi.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Ni Tsumi 13:29

Benɛ a pee nɔ́ tsuaa nɔ́ gbe nya kaa bɔ nɛ ngmami ɔ deɔ ngɛ e he ɔ, a je lɛ kɛ je tso ɔ nɔ, nɛ a ya to lɛ ngɛ yɔkɔ ko mi.