Yohane 19:24 - BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, ta buli ɔmɛ de a he ke, “Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.” Kɛkɛ ɔ, ngmami ɔ nɛ deɔ ke, “A dla ye tade ɔmɛ ngɔ ha a he; nɛ ye tade klɔii ɔ, a fɔ̃ nɔ sɔ” ɔ maa ba mi. Nɔ́ nɛ ta buli ɔmɛ pee ɔ ji nɛ ɔ nɛ.

Somi He Ɔ

²⁴ Lɔ ɔ he ɔ a de ngɛ a kpɛti ke: “Nyɛ ko ha nɛ wa gba kɔlɔ ɔ, se nyɛ ha waa fɔ nɔ sɔ, konɛ waa na nɔ nɛ nɔ́ nɛ e maa pee.” Benɛ pee nɛ ngmami ɔ nɛ de ke: ‘A dla ye tade ɔmɛ ngɔ ha a he, Nɛ ye he bo ɔ a fɔ́ nɔ sɔ’ ɔ nɛ ba mi. Enɛ ɔ ji nɔ́ nɛ aslaafo ɔmɛ pee ɔ nɛ.

Yohane 19:24 ပူးပေါင်းရင်းမြစ်များ

Matsɛmɛ II, 15:12

Lɔ ɔ he ɔ, si nɛ Yawɛ wo Matsɛ Yehu ɔ ba mi. Yawɛ de lɛ ke, “O bimɛ maa ye matsɛ ngɛ Israel kɛ yaa si yi nɔ nɛ ji eywiɛ ɔ.”

La 22:18

A dla ye tade ɔmɛ ngɔ ha a he, nɛ ye bo ɔ lɛɛ a fɔ nɔ sɔ.

Mose II, 28:32

A je kuɛ mi puɔ ngɛ he, nɛ a fia nya nɛ e ti kɛ kpe, konɛ e ko hía.

Yesaya 10:7

Se Asiria matsɛ ɔ lɛɛ e to yi mi kpa mohu. E to kaa e ma kpata je mahi babauu a hɛ mi.

Mateo 27:35

Kɛkɛ nɛ a sɛu lɛ, nɛ a fɔ sɔ kɛ dla e tade ɔmɛ.

Marko 15:24

A sɛu lɛ, nɛ a fɔ e tade ɔmɛ a nɔ sɔ, nɛ a dla kɛ ha a he.

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Ni Tsumi 13:27

Se nihi nɛ ngɛ Yerusalem, kɛ ma nimeli ɔmɛ li Yesu, nɛ jehanɛ ɔ, gbali ɔmɛ a munyu ɔmɛ nɛ a kaneɔ daa Hejɔɔmi ligbi ɔ hu a nui sisi. Lɔ ɔ he ɔ, a bu lɛ fɔ; enɛ ɔ ha gbali ɔmɛ a munyu ɔ ba mi.