Yohane 19:20 - BAIBLO ALOO NGMAMI KLƆUKLƆU Ɔ

²⁰ Yuda bi ɔmɛ a ti nihi babauu kane nɔ nɛ a ngma a, ejakaa he nɛ a sɛu Yesu ngɛ ɔ kɛ ma a mi kɛ we; nɛ a ngma nɔ́ ɔ ngɛ Hebri, kɛ Roma, kɛ Hela gbi mi.

Somi He Ɔ

²⁰ Womi nɛ ɔ ɔ, Yudafo ɔmɛ a ti nihi fuu kane, ejakaa he nɛ a sɛu Yesu ngɛ ɔ kɛ ma a mi kɛ we; nɛ a ngma ngɛ Hebri kɛ Hela kɛ Roma gbi mi.

Yohane 19:20 ပူးပေါင်းရင်းမြစ်များ

Kpojemi 16:16

Jehanɛ ɔ, mumi yayami ɔmɛ ngɔ matsɛmɛ ɔmɛ kɛ ba he ko nɛ a tsɛɛ ngɛ Hebri gbi mi ke Harmagedon ɔ.

Ni Tsumi 26:14

Wɔ tsuo wa ya nɔ si, nɛ i nu gbi ko nɛ kɛ mi tu munyu ngɛ Hebri mi ke, ‘Saulo, Saulo! Mɛni he je nɛ o ngɛ mi yi mi wae? Ke o ke o kɛ mi ná a, o he awi kɛkɛ o ngɛ yee, kaa na nɛ ngɛ e tsɔ̃lɔ tso koli hɛɛe.’

Ni Tsumi 22:2

Benɛ ni ɔmɛ nu kaa Hebri gbi e kɛ mɛ ngɛ tue ɔ, a pee dii pe kekle ɔ. Kɛkɛ nɛ e tsa nɔ ke,

Ni Tsumi 21:40

Asafoatsɛngua a ngmɛ lɛ blɔ; kɛkɛ nɛ Paulo da atlaakpe ɔ nɔ, nɛ e fɔ ma a nine ke a pee dii. Benɛ lejɛ ɔ jɔ klanaa a, e tu munyu ngɛ Hebri gbi mi ke:

Ni Tsumi 21:37

Benɛ ta buli ɔmɛ miɔ nɛ a kɛ Paulo maa sɛ mɔ ɔ mi ɔ, e de asafoatsɛngua a ke, “Ma bi mo nɔ́ ko bɔɔ!” Asafoatsɛngua a bi lɛ ke, “O tuɔ Hela gbi lo?

Yohane 19:13

Benɛ Pilato nu kikɛmɛ a munyu nɛ ɔ, e kɛ Yesu je kpo, nɛ e ya hi kojomi sɛ ɔ nɔ ngɛ he nɛ a ka tɛ ngɛ, nɛ Hebri mi ɔ, a tsɛɛ “Gabata” a.

Yohane 5:2

Taku ko kɛ e he kue enuɔ ngɛ To Agbo ɔ nɛ ngɛ Yerusalem ɔ kasa nya. Hebri gbi mi ɔ, a tsɛɛ taku nɛ ɔ Betesda.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.

Hebribi 13:12

Jã kɛ̃ Yesu hu na amahehlu ngɛ ma a agbo ɔ se, konɛ e ngɔ lɛ nitsɛ e muɔ ɔ kɛ je ma a he yayami.

Luka 23:38

A ngma munyu ko ngɔ mɛtɛ e yi je ke, “Nɔ nɛ ɔ ji Yuda bi ɔmɛ a matsɛ ɔ nɛ.”

Yohane 19:42

Lɔ ɔ he ɔ, a ya to Yesu gbogboe ɔ ngɛ lejɛ ɔ, ejakaa yɔkɔ ɔ he kɛ we, nɛ jehanɛ ɔ hu, jamɛ a ligbi ɔ nɛ a dlaa he kɛ haa Hejɔɔmi ligbi ɔ nɛ.