Yohane 19:11 - BAIBLO ALOO NGMAMI KLƆUKLƆU Ɔ

¹¹ Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Somi He Ɔ

¹¹ Yesu de lɛ ke: “Ke pi hiɔwe nɛ a je ngɔ ha mo ɔ, jinɛ o be he wami ko nae ngɛ ye nɔ; lɔ ɔ he ɔ nɔ nɛ je mi wo o dɛ mi ɔ he yayami ɔ kle pe o nɔ ɔ.”

Yohane 19:11 ပူးပေါင်းရင်းမြစ်များ

Romabi 13:1

Nɔ tsuaa nɔ nɛ ba e he si ha ma nɔ yeli, ejakaa blɔ nya tsuaa blɔ nya a, Mawu lɛ haa nɔ; nɛ nɔ yeli nɛ ngɛ nɛ ɔ hu he wami nɛ a hɛɛ ɔ, Mawu lɛ ha mɛ.

Yohane 3:27

Yohane he nɔ ke, “Nɔ ko be nyɛe ma na nɔ́ ko kaa ja Mawu ha lɛ.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Daniel 4:17

Mawu bɔfo ɔmɛ nɛ a nɔ tsɔ, nɛ a hɛngmɛhi ngɛ si poe ɔ, bɔ nɛ a de ji nɛ ɔ nɛ. Lɔ ɔ he ɔ, nihi tsuo pɛpɛɛpɛ nɛ a na nɛ a le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ, nɔmlɔ ngua jio, nɔmlɔ wayo jio.’

Ni Tsumi 3:13

Wa nɛmɛ Abraham, Isak, kɛ Yakob a Mawu ɔ wo e tsɔlɔ Yesu hɛ mi nyami. Se nyɛɛ lɛɛ nyɛ je lɛ ngɔ ha, nɛ nyɛ kua lɛ ngɛ Pilato hɛ mi, be mi nɛ lɛɛ e pee e juɛmi kaa e maa ngmɛɛ e he ɔ.

Yohane 7:30

Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Daniel 4:25

A maa fie mo kɛ je nimlihi a kpɛti, nɛ o kɛ pu mi lohwehi ma ya hi si. O ma kpe nga kaa na, nɛ bɔ́ maa nɛɛ mo jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.

Romabi 11:36

Ejakaa Mawu lɛ bɔ níhi tsuo; lɛ nɛ ngɛ he wami ngɛ nɔ́ tsuaa nɔ́ nɔ; nɛ mɛ tsuo a woɔ e hɛ mi nyami kɛ yaa neneene! Amen!

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Mateo 27:2

A bɔ lɛ pã, nɛ a ngɔ lɛ ya ha Roma amlaalo ɔ nɛ a tsɛɛ lɛ Pilato ɔ.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Marko 14:44

Nɔ nɛ maa tsɔɔ e se blɔ ɔ to mɛ okadi ko ke, “Nɔ nɛ ma fiɔ e nya he ɔ, lɛ ji nɔ ɔ nɛ; nyɛɛ nu lɛ, nɛ nyɛɛ hɛɛ lɛ kɛ ho slɔkee.”

Daniel 5:21

A fie lɛ kɛ je nimlihi a kpɛti, nɛ e juɛmi pee kaa pu mi lohwe juɛmi. E ya hi nga mi tejihi a kpɛti. E kpe nga kaa na; e hwɔ pu mi, nɛ bɔ́ nɛɛ lɛ hluu. Nyagbe ɔ, e ba kplɛɛ kaa Hiɔwe No Mawu ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.

Daniel 4:32

A maa fie mo kɛ je nimlihi a kpɛti; o kɛ pu mi lohwehi ma ya hi si, nɛ o ma kpe nga kaa na jeha kpaago. Jamɛ a be ɔ mi loko o maa le kaa Mawu nɛ ngɛ hiɔwe lokoo ɔ ngɛ he wami ngɛ nimli adesahi a matsɛ yemi nɔ, nɛ e ngɔɔ kɛ haa nɔ tsuaa nɔ nɛ e suɔ.”

Yohane 18:3

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɔ Roma ta buli komɛ, kɛ sɔlemi we ɔ tsɔli komɛ abɔɔ ɔ mi, nɛ Yuda nyɛɛ a hɛ mi. A dla a he kaa nihi nɛ yaa ta, nɛ a hɛɛ kanehi, kɛ jatɛhi.

Yohane 9:41

Yesu de mɛ ke, “Kaa nyɛ hɛ yu mohu ɔ, jinɛ yayami be nyɛ he; se jehanɛ ɔ, nyɛ deɔ ke, ‘Wa ngɛ nɔ hyɛe,’ lɔ ɔ he ɔ, nyɛ he yayami ɔ ngɛ nyɛ he kɛ mwɔɔ.”

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Kɔmɔ Yemi 3:37

Ke pi Nyɔmtsɛ ɔ he wami nya a, mɛnɔ ma nyɛ ma de nɔ́ ko nɛ e ba mi?

Mateo 26:65

Kɛkɛ nɛ osɔfo nɔkɔtɔma pe kulaa a hía tade klɔii ɔ nɛ e wo ɔ, nɛ e de ke, “E bɔ musu! Anɛ odase yeli kpahi a he pa hia wɔ lo? Jehanɛ lɛɛ, tse nyɛ nu kaa e bɔ musu!

La 39:9

Ma ma ye nya nɛ ma pee dii, ejakaa mo lɛ o ha nɛ i na nɔ́ kikɛ nɛ ɔ nɛ.

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Yohane 18:13

nɛ a kɛ lɛ ya ha Hana kekle. Hana a, Kayafa nɛ ngɛ osɔfo nɔkɔtɔma pe kulaa yee jamɛ a jeha a ngatsɛ ji lɛ.

Yohane 19:10

Pilato de lɛ ke, “O be ye nya mi poe? O li kaa i ngɛ he blɔ kaa i sɛuɔ mo, nɛ i ngɛ he blɔ hulɔ kaa i ngmɛɛ o he lo?”