Yohane 19:10 - BAIBLO ALOO NGMAMI KLƆUKLƆU Ɔ

¹⁰ Pilato de lɛ ke, “O be ye nya mi poe? O li kaa i ngɛ he blɔ kaa i sɛuɔ mo, nɛ i ngɛ he blɔ hulɔ kaa i ngmɛɛ o he lo?”

Somi He Ɔ

¹⁰ Nɛ Pilato de lɛ ke: “O be ye nya mi poe? Anɛ o li kaa i ngɛ he blɔ kaa i sɛuu mo, nɛ i ngɛ he blɔ hulɔ kaa i ngmɛɔ o he lo?”

Yohane 19:10 ပူးပေါင်းရင်းမြစ်များ

Yohane 18:39

Se ngɛ kusumi nya a, daa Hetsɔmi nyami be ɔ, i ngmɛɛ pã mi no kake he haa nyɛ. Anɛ nyɛ suɔ nɛ ma ngmɛɛ Yuda bi ɔmɛ a matsɛ ɔ he ha nyɛ lo?”

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Yohane 19:9

Lɔ ɔ he ɔ, e kpale sɛ mɔ ɔ mi, nɛ e bi Yesu ke, “Jije o je?” Se Yesu pui e nya mi.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”