Yohane 18:38 - BAIBLO ALOO NGMAMI KLƆUKLƆU Ɔ

³⁸ Pilato bi lɛ ke, “Mɛni ji anɔkuale?” Enɛ ɔ se ɔ, Pilato kpale je kpo ekohu kɛ ya Yuda bi ɔmɛ a ngɔ, nɛ e ya de mɛ ke, “Imi lɛɛ i nɛ sane yobu ko kulaa ngɛ e he nɛ ma da nɔ kɛ bu lɛ fɔ.

Somi He Ɔ

³⁸ Pilato bi lɛ ke: “Mɛni ji anɔkuale?” Nɛ benɛ e de enɛ ɔ ɔ, e je kpo kɛ ho Yudafo ɔmɛ a ngɔ ya ekohu, nɛ e ya de mɛ ke: “Imi lɛɛ i nɛ fɔ bumi sane ko kulaa ngɛ e he.

Yohane 18:38 ပူးပေါင်းရင်းမြစ်များ

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Marko 15:14

Jehanɛ Pilato bi mɛ ke, “Se mɛni yayami po e pee?” A kpa huhui wawɛɛ mohu pe kekle ɔ ke, “Sɛu lɛ!”

Luka 23:4

Jehanɛ ɔ, Pilato de osɔfo nikɔtɔma amɛ, kɛ ma kpekpemi ɔ nɛ ngɛ lejɛ ɔ ke, “I nɛ nɔ́ yayami ko ngɛ nyumu nɛ ɔ he nɛ buɔ lɛ fɔ.”

Yohane 18:33

Kɛkɛ nɛ Pilato kpale e se kɛ sɛ mɔ ɔ mi, nɛ e tsɛ Yesu, nɛ e bi lɛ ke, “Mo ji Yuda bi ɔmɛ a matsɛ ɔ?”

Yohane 19:4

Pilato kpale je kpo ekohu, nɛ e de ma kpekpemi ɔ ke, “I kɛ lɛ ngɛ kpo jee kɛ ma nyɛ ngɔ hiɛmɛ nɛ ɔ, konɛ nyɛ na nyɛɛ le kaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Yohane 19:6

Benɛ osɔfo nikɔtɔma amɛ, kɛ tsɔli ɔmɛ na Yesu ɔ, a kpa ngmlaa ke, “Sɛu lɛ! Sɛu lɛ!” Pilato de mɛ ke, “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ; ejakaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.