Yohane 18:30 - BAIBLO ALOO NGMAMI KLƆUKLƆU Ɔ

³⁰ A he nɔ ke, “E pee we yayami ko jinɛ waa kɛ lɛ ba be mo hae.”

Somi He Ɔ

³⁰ A he nɔ nɛ a de lɛ ke: “Pi yayami peelɔ ji lɛ jinɛ waa kɛ lɛ ba be mo hae.”

Yohane 18:30 ပူးပေါင်းရင်းမြစ်များ

Marko 10:33

“Nyɛɛ bu tue; wa yaa Yerusalem, nɛ a maa ngɔ Nɔmlɔ Bi ɔ ngɔ wo osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa bu lɛ gbenɔ fɔ, nɛ a maa ngɔ lɛ ngɔ ha ma je li ɔmɛ.

Marko 15:3

Osɔfo nikɔtɔma amɛ po e nya babauu nitsɛ,

Luka 24:7

‘Ja a ngɔ Nɔmlɔ Bi ɔ ngɔ wo yayami peeli a dɛ mi, nɛ a sɛu lɛ; se ligbi etɛ se ɔ, e maa te si kɛ ba wami mi ekohu’ ɔ.”

Yohane 18:29

Lɔ ɔ he ɔ, Pilato je kpo kɛ ba a ngɔ, nɛ e bi mɛ ke, “Mɛni sane nyɛ kɛ ba ngɛ nyumu nɛ ɔ nya poe ɔ?”

Yohane 18:31

Pilato de mɛ ke, “Lɛɛ nyɛ nitsɛmɛ nyɛɛ ngɔ lɛ nɛ nyɛ ya kojo lɛ ngɛ nyɛ nitsɛmɛ nyɛ mlaa nya mɔ.” A he nɔ ke, “Wɔɔ lɛɛ wa be he blɔ nɛ wa gbeɔ nɔ.”

Yohane 19:12

Kɛ je enɛ ɔ se ɔ, Pilato hla kaa e maa ngmɛɛ Yesu he. Se Yuda bi ɔmɛ kpa ngmlaa ke, “Ke o ngmɛɛ e he ɔ, o pi Kaisare ɔ huɛ. Nɔ tsuaa nɔ nɛ peeɔ e he matsɛ ɔ, Kaisare ɔ e te si ngɔ si ɔ nɛ.”

Ni Tsumi 3:13

Wa nɛmɛ Abraham, Isak, kɛ Yakob a Mawu ɔ wo e tsɔlɔ Yesu hɛ mi nyami. Se nyɛɛ lɛɛ nyɛ je lɛ ngɔ ha, nɛ nyɛ kua lɛ ngɛ Pilato hɛ mi, be mi nɛ lɛɛ e pee e juɛmi kaa e maa ngmɛɛ e he ɔ.

2 Timoteo 2:9

Sane nɛ ɔ nɛ i ngɛ fiɛe ɔ he je nɛ i ngɛ nɔ́ nae; a wo mi kɔsɔkɔsɔ tete po kaa nɔ́ nɛ awi yelɔ ji mi. Se Mawu munyu ɔ fiɛmi lɛɛ nɔ́ ko nɔ́ ko be nyɛe maa tsi nya.

1 Petro 4:15

Nyɛ ti nɔ ko nɔ ko kó na amanehlu kaa nɔmlɔ gbelɔ, aloo julɔ, aloo yayami peelɔ, aloo nɔ ko nɛ e kɛ e he woɔ ni kpahi a sanehi a mi.