Yohane 18:22 - BAIBLO ALOO NGMAMI KLƆUKLƆU Ɔ

²² Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Somi He Ɔ

²² Se benɛ e de kikɛ ɔ, sɔmɔli nɛ daa si ɔmɛ a ti nɔ kake gba Yesu ma nɛ e ke: “Heto nɛ o ha osɔfo nɔkɔtɔma a ji nɛ ɔ?”

Yohane 18:22 ပူးပေါင်းရင်းမြစ်များ

Yohane 19:3

nɛ a kplã si ngɛ e hɛ mi, nɛ a ye e he fɛu ke, “Yuda bi a matsɛ, manye oo manye!” Nɛ a gba e hɛ mi ma.

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Yohane 18:3

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɔ Roma ta buli komɛ, kɛ sɔlemi we ɔ tsɔli komɛ abɔɔ ɔ mi, nɛ Yuda nyɛɛ a hɛ mi. A dla a he kaa nihi nɛ yaa ta, nɛ a hɛɛ kanehi, kɛ jatɛhi.

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Yeremia 20:2

Kɛkɛ nɛ Pashur ha nɛ a fia mi ní, nɛ a bɔ mi pã ngɛ Benyamin agbo ɔ yiti je ngɛ Yawɛ we ɔ mi.

Hiob 16:10

Nihi yeɔ ye he fɛu. A buaa kɛ woɔ ye he, nɛ a gbaa ye tue mi ma. Nɛ a bɔɔ mi ahlua.

Yohane 18:21

Mɛni he je o ngɛ imi mohu munyu bie ɔ Ni nɛmɛ nɛ ba buɔ mi tue ɔ, bi mɛ nɔ́ nɛ i deɔ mɛ. Ni nɛ ɔmɛ le níhi nɛ i de ɔ.”