Yohane 17:26 - BAIBLO ALOO NGMAMI KLƆUKLƆU Ɔ

²⁶ I ha nɛ a le mo, nɛ ma ya nɔ ma pee jã, konɛ á suɔ mi kaa bɔ nɛ o suɔ mi ɔ, nɛ imi hu ma hi a mi.”

Somi He Ɔ

²⁶ nɛ i je o biɛ ɔ si ngɔ tsɔɔ mɛ, nɛ ma kpale je lɛ si ngɔ tsɔɔ, konɛ suɔmi nɛ o kɛ suɔ mi ɔ nɛ hi a mi nɛ imi hu ma hi a mi.”

Yohane 17:26 ပူးပေါင်းရင်းမြစ်များ

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Yohane 17:6

“Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Yohane 15:9

I suɔ nyɛ kaa bɔ nɛ Tsɛ ɔ suɔ mi ɔ, lɔ ɔ he ɔ, nyɛ ha suɔmi nɛ i ngɛ kɛ ha nyɛ ɔ nɛ hi si daa.

Hebribi 2:12

E deɔ Mawu ke, “Ma wo o biɛ ta ha ye nyɛmimɛ ɔmɛ, nɛ i kɛ asafo ɔ ma la kɛ je o yi.”

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yohane 14:20

Ke jamɛ a be ɔ su ɔ, nyɛ maa le kaa i ngɛ Tsaatsɛ mi, nɛ nyɛ hu nyɛ ngɛ ye mi kaa bɔ nɛ imi hu i ngɛ nyɛ mi ɔ.

La 22:22

Ma wo o biɛ ta ngɛ ye nyɛmimɛ ɔmɛ a hɛ mi. Nɛ ma je o yi ngɛ a he nya buami he ɔ.

Yohane 15:4

Nyɛɛ hi ye mi nɛ imi hu ma hi nyɛ mi. Kaa bɔ nɛ tso kɔni be nyɛe maa wo yiblii ngɛ lɛ nitsɛ e dɛ he, se ja e mɛtɛ wai tso ɔ he ɔ, jã kɛ̃ nyɛ hu ke nyɛ hi ye mi ɔ, nyɛ be yiblii woe.

Efesobi 5:32

Anɔkuale laami munyu komɛ nɛ a he hia saminya jeɔ kpo ngɛ ngmami nɛ ɔ mi; nɛ imi lɛɛ i kɛ ngɛ Kristo kɛ asafo ɔ he toe.

Efesobi 5:30

Wa ngɛ kaa Kristo nɔmlɔ tso ɔ he níhi.)

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 8:50

I hla we imi nitsɛ ye hɛ mi nyami. Se nɔ ko ngɛ nɛ ngɛ hlae, nɛ lɛ nɛ maa kojo.

1 Yohane 3:24

Nɔ tsuaa nɔ nɛ yeɔ Mawu mlaa amɛ a nɔ ɔ, e hii Mawu mi, nɛ Mawu hu hii e mi. Nɛ mumi ɔ nɛ Mawu ha wɔ ɔ he je ɔ, wa le kaa Mawu ngɛ wa mi.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Kolosebi 2:10

Nyɛɛ kɛ Kristo pee kake, lɔ ɔ he ɔ, Kristo nɛ ji yi ha nɔ yeli tsuo ɔ su ngɛ nyɛ mi.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Efesobi 1:6

E sa kaa wa je Mawu yi kaa e gu e dloomi nɛ hɛ mi ngɛ nyami ɔ nɔ ngɔ e bi nɛ e suɔ ɔ ngɔ ke wɔ yaka gu!

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

1 Korintobi 12:12

Nɔmlɔ tso ɔ, nɔ kake, se e he níhi hiɛ babauu, nɛ e he ní nɛ ɔmɛ tsuo lɛ peeɔ nɔmlɔ tso kake ɔ nɛ. Kikɛ nɛ ɔ Kristo hu ngɛ.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Romabi 8:10

Se ke Kristo ngɛ nyɛ mi ɔ, yayami nɛ nyɛ peeɔ he ɔ, nyɛ gbo ngɛ nɔmlɔ tso mi, se mumi mi lɛɛ nyɛ hɛ ngɛ, ejakaa Mawu buu nyɛ nihi nɛ da.

Yohane 6:56

Nɔ tsuaa nɔ nɛ yeɔ ye he lo, nɛ e nuu ye muɔ ɔ hii ye mi, nɛ imi hu i hii e mi.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.