Yohane 17:19 - BAIBLO ALOO NGMAMI KLƆUKLƆU Ɔ

¹⁹ A he ɔ, i peeɔ ye he klɔuklɔu, bɔ nɛ pee nɛ mɛ hu a pee mɛ klɔuklɔu ngɛ anɔkuale mi.

Somi He Ɔ

¹⁹ Nɛ a he nɛ imi nitsɛ i peɔ ye he klɔuklɔu ɔ nɛ, konɛ mɛ hu a pee mɛ klɔuklɔu ngɛ anɔkuale mi.

Yohane 17:19 ပူးပေါင်းရင်းမြစ်များ

Hebribi 2:11

Ejakaa nɔ nɛ tsuɔ nihi a he, kɛ ni nɛmɛ e tsu a he ɔ tsuo a tsɛ kake. Enɛ ɔ he je ɔ, e pee we Yesu zo kaa e ma tsɛ mɛ nyɛmimɛ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Yohane 17:17

Ngɔɔ o we anɔkuale munyu ɔ kɛ tsu a he.

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.

2 Timoteo 2:10

Enɛ ɔ he je nɛ i toɔ ye tsui si ngɛ nɔ́ tsuaa nɔ́ mi, nɛ i naa nɔ́ ngɛ nihi nɛ Mawu hla a a he, konɛ kɛ gu Kristo Yesu nɔ ɔ, a he mɛ hu a yi wami, nɛ a nine nɛ su hɛ mi nyami nɛ ngɛ kɛ yaa neneene ɔ nɔ.

1 Tesalonikabi 4:7

Mawu tsɛ we wɔ nɛ wa ba tsu mu ní, se mohu bɔ nɛ pee nɛ wa he nɛ tsɔ.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

2 Korintobi 4:15

Nyɛ he nɛ a ngɛ enɛ ɔ tsuo pee ngɛ. Nɛ ke Mawu dloomi nya a, a ba he nihi fuu a yi wami ɔ, jã kɛ̃ sina sɔlemi ɔ maa hiɛ kɛ wo Mawu hɛ mi nyami.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

Hebribi 9:13

To kɛ na muɔ, kɛ na bi nɛ a sã a la zu ji níhi nɛ a kɛ fĩaa nihi nɛ ble a he ɔ a nɔ, nɛ a kɛ tsuɔ a nɔmlɔ tso ɔ he ngɛ he lo blɔ fa mi.

Yesaya 62:1

I be ye nya mae oo! I be ye nya mae! Yerusalem he je ɔ, i be ye nya mae kɛ yaa si a ma he ye ma a yi wami. Nɛ e kunimi yemi ɔ maa je kpo paa nɛ a maa na kaa jatɛ ngɛ diblii mi.

Hebribi 9:18

Enɛ ɔ he je nɛ kekleekle somi ɔ po muɔ a kɛ ma nɔ mi ɔ nɛ.

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yeremia 1:5

“Loko i puɛ mo kɛ wo muklii mi ɔ, jamɛ a be ɔ mi ɔ, i le mo momo. Benɛ a na we nɛ a fɔ mo ɔ, jamɛ a be ɔ mi ɔ, i hla mo ngɔ to momo nɛ́ o ba gba kɛ tsɔɔ je ma amɛ.”

Yohane 15:3

Nyɛɛ lɛɛ munyuhi nɛ i tu nyɛ ɔ tsu nyɛ he momo.

Yohane 15:13

Suɔmi nɛ se be ji kaa nɔ ko maa ngɔ e wami ngɔ fɔ si ngɛ e huɛmɛ a he.

Yohane 17:20

“Pi ni nɛ ɔmɛ kɛkɛ nɛ i ngɛ pɛɛ kpae ha, se mohu kɛ ha nihi tsuo nɛ maa nu sɛ gbi ɔ nɛ a maa fiɛ ɔ nɛ a ma he mi maa ye ɔ.

2 Korintobi 7:14

I je nyɛ yi ha Tito, nɛ nyɛ gbi mi zo. Wa tuɔ nyɛ anɔkuale daa. Jã kɛ̃ ɔ, fiami nɛ wa fĩa fɔ nyɛ nɔ ngɔ tsɔɔ Tito ɔ hu ya pee we lakpa.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

1 Yohane 3:3

Nɔ tsuaa nɔ nɛ ngɛ hɛ kɛ nɔ fɔmi kaa kikɛ nɛ ɔ ngɛ Kristo mi ɔ, peeɔ e he klɔuklɔu kaa bɔ nɛ Kristo hu ngɛ klɔuklɔu ɔ.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.