Yohane 17:15 - BAIBLO ALOO NGMAMI KLƆUKLƆU Ɔ

¹⁵ I kpa we pɛɛ ke o je mɛ kɛ je je ɔ mi; se mohu i ngɛ pɛɛ kpae nɛ o bu a he kɛ je nɔ yayami ɔ dɛ mi.

Somi He Ɔ

¹⁵ I bi we kaa o je mɛ kɛ je je ɔ mi, se mohu kaa o bu a he kɛ je nɛ ɔ yayami ɔ dɛ mi.

Yohane 17:15 ပူးပေါင်းရင်းမြစ်များ

Mose I, 48:16

Mawu bɔfo ɔ nɛ hyɛ ye nɔ, nɛ je mi kɛ je haomihi tsuo a mi ɔ, e gbaa nyumuwi nɛ ɔmɛ! Nyumuwi nɛ ɔmɛ nɛ a wo imi, kɛ nɛnɛ Abraham, kɛ tsaatsɛ Isak wa biɛ ɔmɛ a hɛ mi nyami daa! A fɔ, nɛ a he nɛ hiɛ babauu ngɛ zugba a nɔ!”

Kronika I, 4:10

Se Yabez fa kue ha Israel Mawu ɔ ke, “Mawu, i kpa mo pɛɛ nɛ o gbaa mi, nɛ o ha mi zugba nɛ kle. O kɛ mi nɛ hi si, nɛ o je ní yayamihi nɛ maa pee haomi kɛ je ye blɔ mi.” Nɛ Mawu ha lɛ nɔ́ nɛ e bi lɛ ɔ.

La 121:7

Yawɛ maa bu o he kɛ je yayami tsuo mi; e maa baa o yi.

La 30:9

Ke i gbo nɛ a pu mi ɔ, mɛni se o ma na? Anɛ zu ma nyɛ ma je o yi lo? O we anɔkuale yemi ɔ, anɛ zu ma nyɛ maa ye he odase lo?

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Yesaya 57:1

Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Mateo 5:37

Ke nɔ́ ɔ ngɛ mi ɔ, nɔ́ nɛ kɛkɛ nɛ o ma de ji, ‘Ee’; ke e be mi ɔ, de ke, ‘Dɛbi’. Ke nɔ́ kpa ko piɛ he ɔ lɛɛ Abosiami dɛ mi e je.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Luka 11:4

Kɛ wa he yayami ɔmɛ nɛ pa wɔ; ejakaa wɔ hu waa kɛ paa nɔ tsuaa nɔ nɛ tɔɔ wa nɔ. Nɛ ko ha nɛ a ka wɔ.’ ”

Luka 22:32

Se imi lɛɛ i sɔle ha mo Simon, nɛ o hemi kɛ yemi kó ta, konɛ ke o kpale o se kɛ ba ye ngɔ ekohu ɔ, mo hu o wo o nyɛmimɛ ɔmɛ he wami.”

Galatabi 1:4

Yesu Kristo ngɔ e he ngɔ ha ngɛ wa he yayami ɔmɛ a he, konɛ a je wɔ kɛ je yi nɔ nɛ ɔ yi wu tso ní peemi ɔmɛ a mi. Enɛ ɔ ji wa Mawu, kɛ wa Tsɛ ɔ suɔmi nya ní.

2 Tesalonikabi 3:3

Se Nyɔmtsɛ ɔ yeɔ anɔkuale. E maa wo nyɛ he wami, nɛ e maa bu nyɛ he, nɛ dikalɔ ɔ be nyɛe maa pee nyɛ nɔ́ ko.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e bua jɔɛ yayami peemi he. Ejakaa Mawu Bi ɔ baa e yi, nɛ Abosiami na we e he blɔ.

1 Yohane 5:19

Wa le kaa Mawu níhi ji wɔ, pohu je ɔ, Abosiami lɛ ngɛ nɔ yee.