Yohane 16:32 - BAIBLO ALOO NGMAMI KLƆUKLƆU Ɔ

³² Be ma, nɛ e su ta; nyɛ tsuo nyɛ maa gbɛ fĩa. Nɔ tsuaa nɔ maa ya lɛ nitsɛ e we mi, nɛ e maa piɛ imi nɔ kake too. Se pohu pi imi nɔ kake nɛ maa piɛ, ejakaa i kɛ Tsɛ ɔ ngɛ.

Somi He Ɔ

³² oʼɛ, ngmlɛfia a ma, nɛ e su po, nɛ nyɛ maa gbɛ fia nɛ nɔ tsuaa nɔ maa ngɔ e blɔ, nɛ nyɛ maa je ye nɔ kake he; se pi ye nɔ kake ʼi, ejakaa Tsɛ ɔ kɛ mi ngɛ.

Yohane 16:32 ပူးပေါင်းရင်းမြစ်များ

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Mateo 26:31

Jehanɛ ɔ, Yesu de mɛ ke, “Nyɔ nɛ ɔ mi ɔ, nyɛ tsuo nyɛ maa tu fo kɛ je ye he. Ejakaa a ngma ke, ‘Ma fia to hyɛlɔ ɔ nɔ, nɛ to kuu ɔ maa gbɛ fĩa.’

Yohane 8:29

Tsɛ ɔ nɛ tsɔ mi ɔ kɛ mi ngɛ; e si we imi nɔ kake too, ejakaa i peeɔ e suɔmi nya ní.”

Yohane 8:16

Se ke i kojo tete po ɔ, e da, ejakaa pi imi nɔ kake nɛ i ngɛ enɛ ɔ pee. Tsɛ ɔ nɛ tsɔ mi ɔ piɛ ye he.

Marko 14:27

Yesu de e kaseli ɔmɛ ke, “Nyɛ tsuo nyɛ nane ma kpata, ejakaa a ngma ke, ‘Ma fia to hyɛlɔ ɔ nɔ́, nɛ to ɔmɛ maa gbɛ fĩa.’

Mateo 26:56

Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Yohane 20:10

Kɛkɛ nɛ kaseli ɔmɛ kpale a se kɛ ho we mi ya.

Yohane 16:25

“Ní nɛ ɔmɛ tsuo ɔ, abɛ gbi mi i de nyɛ ngɛ. Se jehanɛ ɔ, be maa ba nɛ i be munyu tue ngɛ abɛ gbi mi hu. Mohu ma jaje Tsɛ ɔ he sanehi kpookpoo ha nyɛ.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Yohane 4:23

Jehanɛ ɔ, be ɔ ma, nɛ Mawu ma ha nihi he wami, konɛ a ja Tsɛ ɔ ngɛ mumi mi kɛ anɔkuale mi kaa bɔ nɛ Tsɛ ɔ nitsɛ suɔ. Pohu be ɔ su momo.

Yohane 4:21

Yesu de lɛ ke, “Maa, he mi nɛ o ye kaa be ma nɛ nyɛ ma ja Tsɛ ɔ, pi yo nɛ ɔ nɔ, nɛ pi Yerusalem hulɔ.

Yohane 12:23

Yesu he nɔ ke, “Jehanɛ lɛɛ be ɔ su nɛ a maa wo Nɔmlɔ Bi ɔ hɛ mi nyami babauu.

Yohane 5:28

Nyɛ hɛ mi kó pee nyɛ yaa kaa be maa su nɛ gbogboehi tsuo maa nu Mawu Bi ɔ gbi,

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Marko 14:50

Kɛkɛ nɛ e kaseli ɔmɛ tsuo tu fo si lɛ.

Ni Tsumi 8:1

Stefano gbemi ɔ ngɔ Saulo nya. Jamɛ a ligbi ɔ nɔuu ɔ, a bɔni asafo ɔ nɛ ngɛ Yerusalem ɔ yi mi wami wawɛɛ. Nihi nɛ he ye ɔ tsuo gbɛ fĩa Yudea, kɛ Samaria kpokpa amɛ a nɔ; nɛ e piɛ bɔfo ɔmɛ pɛ.

Yohane 16:31

Yesu bi mɛ ke, “Jehanɛ lɛɛ nyɛ he ye lo?

Yohane 19:27

Pee se ɔ, e de kaselɔ ɔ ke, “O nyɛ ji nɛ ɔ nɛ!” Kɛ je jamɛ a ligbi ɔ, kaselɔ ɔ ngɔ lɛ kɛ ho lɛ nitsɛ e we mi ya.

Ni Tsumi 21:6

Lɔ ɔ se ɔ, waa kɛ mɛ ye sɛ; kɛkɛ nɛ wa ya sɛ lɛ ɔ mi, nɛ mɛ hu a kpale a se kɛ ho we mi ya.