Yohane 16:27 - BAIBLO ALOO NGMAMI KLƆUKLƆU Ɔ

²⁷ ejakaa Tsɛ ɔ nitsɛ ngɛ nyɛ he suɔmi. Tsɛ ɔ suɔ nyɛ, ejakaa nyɛ suɔ mi, nɛ nyɛ he ye kaa Mawu ngɔ nɛ i je kɛ ba.

Somi He Ɔ

²⁷ ejakaa Tsɛ ɔ nitsɛ suɔ nyɛ, mɛni he je ɔ, nyɛ hu nyɛ suɔ mi, nɛ nyɛ he ye kaa Mawu ngɔ i je.

Yohane 16:27 ပူးပေါင်းရင်းမြစ်များ

Zefania 3:17

Yawɛ, nyɛ Mawu ɔ ngɛ nyɛ kpɛti; e he wami ɔ ma ha nɛ nyɛ maa ye kunimi. Yawɛ ma na nyɛ he bua jɔmi; e maa suɔ nyɛ sane, nɛ e ma ha nyɛ wami he. E ma la, nɛ e ma na nyɛ he bua jɔmi

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Yohane 14:21

“Nɔ tsuaa nɔ nɛ ngɔɔ ye mlaa amɛ nɛ e yeɔ a nɔ ɔ, e suɔ mi; nɛ nɔ tsuaa nɔ nɛ suɔ mi ɔ, Tsaatsɛ maa suɔ lɛ. Jehanɛ imi hu ma suɔ lɛ, nɛ ma ha nɛ e le mi saminya.”

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 16:30

Amlɔ nɛ ɔ lɛɛ wa na kaa o le nɔ́ tsuaa nɔ́, nɛ e hia we nɛ nɔ ko nɛ bi mo sane ko. Jehanɛ lɛɛ wa he ye kaa Mawu ngɔ nɛ o je kɛ ba.”

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 7:29

Imi lɛɛ i le lɛ, ejakaa e ngɔ nɛ i je, nɛ lɛ ji nɔ nɛ tsɔ mi.”

Yohane 8:42

Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

1 Korintobi 15:47

Kekleekle Adam ɔ, zugba zu a kɛ bɔ lɛ; Adam enyɔne ɔ lɛɛ hiɔwe nɛ e je.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

Hebribi 12:6

Ejakaa nɔ nɛ Nyɔmtsɛ ɔ suɔ ɔ lɛ e tsɔseɔ, nɛ e fiaa nɔ tsuaa nɔ nɛ e ngɔ peeɔ e bi ɔ kpa.”

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.