Yohane 16:22 - BAIBLO ALOO NGMAMI KLƆUKLƆU Ɔ

²² Jã nɔuu, nyɛ hu amlɔ nɛ ɔ, nyɛ ngɛ kɔmɔ yee, se ma na nyɛ ekohu. Nyɛ tsui maa nɔ nyɛ mi, nɛ nyɛ bua jɔmi ɔ, nɔ ko be hee ngɛ nyɛ dɛ.

Somi He Ɔ

²² Lɔ ɔ he ɔ nyɛ hu, jeha nɛ ɔ nyɛ ngɛ kɔmɔ yee mohu, se ma na nyɛ ekohu, nɛ nyɛ tsui maa nɔ nyɛ mi, nɛ nyɛ bua jɔmi ɔ, na ko be kpɔe ngɛ nyɛ dɛ.

Yohane 16:22 ပူးပေါင်းရင်းမြစ်များ

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

La 146:2

Be abɔ nɛ ye hɛ ngɛ nɛ ɔ, ma je Yawɛ yi! Ligbi abɔ nɛ i ngɛ wami mi nɛ ɔ, ma la kɛ je ye Mawu ɔ yi!

La 33:21

Niinɛ, wa bua jɔ wa he, ejakaa wa ngɔ wa hɛ ngɔ fɔ e nɔ.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Mateo 28:8

Lɔ ɔ he ɔ, a je yɔkɔ ɔ he esɔesɔ kɛ gbeye, kɛ bua jɔmi babauu; nɛ a tu fo kɛ ho, konɛ a ya sɛɛ ha Yesu kaseli ɔmɛ.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.

Luka 19:26

E he nɔ ke, ‘I ngɛ nyɛ dee ke, nɔ tsuaa nɔ nɛ nɔ́ ko ngɛ e dɛ ɔ, Mawu ma ha lɛ fuu kɛ piɛ he. Se nɔ nɛ be nɔ́ ko ɔ, bɔbɔyoo nɛ ngɛ e dɛ ɔ tete po a ma kpɔ ngɛ e dɛ.

Luka 24:41

Bua jɔmi babauu nɛ a na, kɛ bɔ nɛ nɔ́ ɔ pee mɛ nyakpɛ he je ɔ, a he we yi kɛ mwɔɔ. Kɛkɛ nɛ Yesu bi mɛ ke, “Nyɛ ngɛ nɔ́ ko nɛ a yeɔ ngɛ hiɛ ɔ lo?”

Yohane 14:1

Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Yohane 14:19

E piɛ bɔɔ pɛ nɛ je ɔ be mi nae hu; se nyɛɛ lɛɛ nyɛ maa na mi. Nɛ akɛnɛ i ngɛ wami mi ɔ, nyɛ hu nyɛ maa hi wami mi.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 16:16

“E piɛ bɔɔ nɛ nyɛ be mi nae hu; kɛkɛ ɔ, bɔɔ se ɔ, nyɛ maa na mi ekohu.”

Yohane 16:20

I ngɛ nyɛ dee anɔkuale mi ke, nyɛɛ lɛɛ nyɛ ma kpa ngmlaa; nyɛ maa wo yana, se je ɔ ma nya. Nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Yohane 16:6

Se nɛ i de nyɛ ní nɛ ɔmɛ ɔ, nyɛ ngɛ tsui yee.

Yohane 21:7

Kaselɔ nɛ Yesu suɔ lɛ ɔ de Petro ke, “Nyɔmtsɛ ɔ nɛ daa si ɔ nɛ.” Benɛ Simon Petro nu nɛ a de ke Nyɔmtsɛ ɔ lɛ daa si ɔ, e wo e tade ɔ ngɔ muɔ e mlɛ mi, nɛ e tu ma pa a mi, ejakaa e hɛɛ e he gu.

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Ni Tsumi 13:52

Nihi nɛ he Kristo ye ngɛ Antiokia a na bua jɔmi saminya, nɛ Mumi Klɔuklɔu ɔ ba a nɔ babauu.

Ni Tsumi 16:25

Maa pee nyɔ mi kpɛti ɔ, Paulo kɛ Sila ngɛ sɔlee, nɛ a ngɛ lae kɛ ngɛ Mawu yi jee nɛ pamitsɛmɛ kpa amɛ ngɛ a he nue.

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

2 Tesalonikabi 2:16

Wa Nyɔmtsɛ Yesu Kristo nitsɛ, kɛ wa Tsɛ Mawu, nɔ nɛ suɔ wɔ kikɛ nɛ ɔ, nɛ e gu e dloomi ɔ nɔ, nɛ e wo wɔ he wami, nɛ e ha wɔ hɛ kɛ nɔ fɔmi nɛ nya wa a,

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

Hebribi 6:18

E tsɔɔ kaa nɔ́ enyɔ nɛ ɔmɛ be tsakee gblegbleegble, nɛ Mawu hu be a he lakpa yee. Kɛkɛ ɔ, kɛ gu a nɔ ɔ, wɔ nihi nɛ wa ba sa we ngɛ Mawu ngɔ ɔ, e maa wo wɔ he wami, konɛ waa pɛtɛ nɔ́ nɛ wa ngɔ wa hɛ ngɔ fɔ nɔ ɔ he nɛ wa.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,