Yohane 16:21 - BAIBLO ALOO NGMAMI KLƆUKLƆU Ɔ

²¹ Ke yo ngɛ kɔe nɛ e ma fɔ ɔ, e haoɔ, ejakaa e dengme gbomi be ɔ su; se ke e fɔ pɛ, dengme tsuo nɛ e gbo ɔ, e hɛ jeɔ nɔ; ejakaa e naa bua jɔmi kaa e fɔ bi kɛ wo je ɔ mi.

Somi He Ɔ

²¹ Ke yo nu kɔɔmi ɔ, e haoɔ, ejakaa e ngmlɛfia a su. Se benɛ e fɔ bi ɔ se ɔ, e kai we dengme ɔ hu ngɛ bua jɔmi nɛ e naa kaa e fɔ nɔmlɔ kɛ ba je ɔ mi ɔ he.

Yohane 16:21 ပူးပေါင်းရင်းမြစ်များ

La 113:9

E haa yosa fɔɔ bi; e plɛɔ peeɔ bimɛ a nyɛ, nɛ e bua jɔɔ e he saminya. A je Yawɛ yi.

Yesaya 13:8

A maa ye gbeye; nɛ a he mi maa hia mɛ kaa yo nɛ nu kɔɔmi. Gbeye ma ha a maa hi a sibi a hɛ mi hyɛe gaa kɛkɛ, nɛ a hɛ mi maa tsu paa kɛ zo kpɔtɔɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Mika 4:10

Nyɛ Yerusalem ma mi bi, nyɛɛ kɛ nyɛ he nɛ wuwlua si, nɛ nyɛ kɛmɛ kaa yo nɛ ngɛ kɔe. Ejakaa jehanɛ lɛɛ nyɛ maa je ma a mi kɛ ya hi nga nɔ. A maa ngɔ nyɛ kɛ ya Babilon tɔɔ. Se Yawɛ ma kpɔ nyɛ kɛ je nyɛ he nyɛli ɔmɛ a dɛ mi ngɛ lejɛ ɔ.

Galatabi 4:27

Ejakaa ngmami ɔ de ke, “Mo yosa nɛ o fɔ we, mo nya! Mo nɛ o nui kɔɔmi hyɛ, hwɔ lele, nɛ o nya! Ejakaa yo nɛ e huno kua lɛ ɔ mohu e bimɛ hiɛ pe yogbayo nɛ ngɛ gba we daa a bimɛ.”

Mose I, 3:16

Jehanɛ, e de yo ɔ ke, “Ma ha nɛ o maa na nɔ́ ngɛ o hɔ ngɔmi kɛ o bi fɔmi mi. Se kɛ̃ ɔ, o maa suɔ o huno ɔ, nɛ lɛ nɛ e maa ye o nɔ.”

Yesaya 21:3

Nɔ́ nɛ i na, kɛ nɔ́ nɛ i nu nɛ ɔ wo ye he gbeye wawɛɛ nitsɛ, nɛ ye he mi hia mi kaa yo nɛ nu kɔɔmi.

Yesaya 66:7

“Ye ma klɔuklɔu ɔ ngɛ kaa yo ko nɛ kpatu fɔ binyumu be mi nɛ e nui kɔɔmi.

Mika 4:9

Mɛni he je o ngɛ ngmlaa kpae wawɛɛ kikɛ nɛ ɔ? Mɛni he je o pee kaa yo nɛ nu kɔɔmi ɔ? Anɛ matsɛ be o dɛ lo? Anɛ o ga woli ɔmɛ gbo lo?

Hiob 11:16

Kɛkɛ ɔ, o haomi ɔmɛ tsuo a se maa po kaa pa nɛ hia kɛ ba be be ko; nɛ o be mɛ kaie hu.