Yohane 16:2 - BAIBLO ALOO NGMAMI KLƆUKLƆU Ɔ

² A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Somi He Ɔ

² A maa fie nyɛ kɛ maa je kpe he ɔmɛ. Nɛ be maa ba tete nɛ nɔ tsuaa nɔ nɛ gbee nyɛ ɔ a ma susu kaa e kɛ ngɛ Mawu jae.

Yohane 16:2 ပူးပေါင်းရင်းမြစ်များ

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Yohane 12:42

Yuda ma nimeli ɔmɛ a ti nihi babauu he Yesu ye, se Farisi bi ɔmɛ a he ɔ, a nyɛ we nɛ a ye odase paa, bɔ nɛ pee nɛ a ko fie mɛ ngɛ kpe he ɔ.

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

1 Korintobi 4:13

Ke a ngɛ wa biɛ puɛe ɔ, wa bɔɔ mɔde kaa wɔɔ lɛɛ wa maa tu he jɔmi munyu. Je ɔ buu wɔ kaa kuku kɛ ba si mwɔnɛ ɔ.

Ni Tsumi 7:56

Kɛkɛ nɛ e de ke, “Nyɛɛ hyɛ, i na hiɔwe nya nɛ bli nɛ Nɔmlɔ Bi ɔ daa si ngɛ Mawu hiɔ nɔ!”

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Yohane 9:34

A he nɔ ke, “Mo nɛ a fɔ mo, nɛ a tsɔse mo ngɛ yayami mi ɔ, o ngɛ hlae nɛ o tsɔɔ wɔ ní?” Kɛkɛ nɛ a fie lɛ kɛ je a jami ɔ mi.

Yesaya 65:5

Se bɔ nɛ mɛ mohu a deɔ ni kpahi ji, ‘Nyɛɛ hɛ nyɛ kɛ ya se; nyɛ ko ba wa kasa nya; wɔɔ lɛɛ wa he tsɔ!’ Kikɛmɛ a nimli nɛ ɔmɛ ngɛ kaa la su ku nɛ ngɛ ye gugwɔ mi sɛe, kɛ la nɛ ngɛ tsoe daa ligbi!

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

Yohane 4:21

Yesu de lɛ ke, “Maa, he mi nɛ o ye kaa be ma nɛ nyɛ ma ja Tsɛ ɔ, pi yo nɛ ɔ nɔ, nɛ pi Yerusalem hulɔ.

Filipibi 3:6

Ye hɛ dɔ wawɛɛ kɛ wa asafo ɔ yi mi. Ke mlaa a nɔ yemi nɔ a guu kɛ dlaa nɔ kɛ Mawu a kpɛti ɔ, lɛɛ piami ko piami ko be ye he.

Daniel 11:33

Ní leli nɛ ngɛ ma hɛ mi nyɛɛli ɔmɛ a kpɛti ɔ maa tsɔɔ ma mi bi ɔmɛ babauu ní. Se pee se ɔ, a maa gbe a ti ni komɛ ngɛ ta nga nɔ, nɛ a maa sã ni komɛ. A maa ha ní ngɛ ni komɛ hu a dɛ, nɛ a maa nuu mɛ nyɔguɛ.

Yohane 4:23

Jehanɛ ɔ, be ɔ ma, nɛ Mawu ma ha nihi he wami, konɛ a ja Tsɛ ɔ ngɛ mumi mi kɛ anɔkuale mi kaa bɔ nɛ Tsɛ ɔ nitsɛ suɔ. Pohu be ɔ su momo.

Yohane 16:25

“Ní nɛ ɔmɛ tsuo ɔ, abɛ gbi mi i de nyɛ ngɛ. Se jehanɛ ɔ, be maa ba nɛ i be munyu tue ngɛ abɛ gbi mi hu. Mohu ma jaje Tsɛ ɔ he sanehi kpookpoo ha nyɛ.

Yohane 16:32

Be ma, nɛ e su ta; nyɛ tsuo nyɛ maa gbɛ fĩa. Nɔ tsuaa nɔ maa ya lɛ nitsɛ e we mi, nɛ e maa piɛ imi nɔ kake too. Se pohu pi imi nɔ kake nɛ maa piɛ, ejakaa i kɛ Tsɛ ɔ ngɛ.

Manyadali 6:30

ma mi bi ɔmɛ de Yoash ke, “Ngɔɔ o bi ɔ kɛ ba nɛ a gbe lɛ; ejakaa e ywia Baal bɔ sami la tɛ ɔ, kɛ yo wɔ Ashera hu nɔ́ ɔ.”