Yohane 16:17 - BAIBLO ALOO NGMAMI KLƆUKLƆU Ɔ

¹⁷ E kaseli ɔmɛ a ti ni komɛ bi a sibi ke, “Nɔ nɛ e de wɔ nɛ ɔ sisi nɛɛ? E ke e piɛ bɔɔ nɛ wa be lɛ nae hu; kɛkɛ ɔ, bɔɔ se ɔ, wa maa na lɛ ekohu. Jehanɛ hu e de ke wa be lɛ nae hu, ejakaa e yaa Tsɛ ɔ ngɔ.

Somi He Ɔ

¹⁷ Kɛkɛ nɛ e kaseli ɔmɛ a ti ni komɛ bi a he ke: “Mɛni ji nɔ́ nɛ e ngɛ wɔ dee nɛ ɔ: ‘Epiɛ bɔɔ nɛ nyɛ be mi nae hu, nɛ jeha nɛ ɔ hu, e piɛ bɔɔ nɛ nyɛ maa na mi,’ nɛ jeha nɛ ɔ hu; ‘I yaa Tsɛ ɔ ngɔ’?

Yohane 16:17 ပူးပေါင်းရင်းမြစ်များ

Marko 9:10

Lɔ ɔ he ɔ, a ngɔ munyu ɔ ngɔ to a yi mi lɛɛ, se a bi a he ke, “Si temi kɛ gbeje jemi ɔ, kɛ ji e sisi kɛɛ?”

Marko 9:32

Se a nɛ́ nɔ́ nɛ e de nɛ ɔ nya, nɛ a ngɛ gbeye yee hulɔ kaa a ma bi lɛ.

Luka 18:34

Se kaseli ɔmɛ nui ní nɛ ɔmɛ ekoeko sisi; a ngɔ munyu ɔmɛ a sisi numi ngɔ laa mɛ, nɛ nɔ́ nɛ Yesu ngɛ dee ɔ, a kɔ we se.

Luka 9:45

Se kaseli ɔmɛ nui nɔ́ nɛ e de ɔ sisi. A ngɔ kɛ laa mɛ, konɛ a ko nu sisi; nɛ mɛ hu a ngɛ gbeye yee kaa a ma bi lɛ munyu ɔ he nɔ́ ko.

Yohane 12:16

Jamɛ a be ɔ, e kaseli ɔmɛ nui nɔ́ nɛ ɔ sisi; se benɛ a tle Yesu si, nɛ a wo e hɛ mi nyami se ɔ, a kai kaa a ngma nɔ́ nɛ ɔ ngɛ Yesu he, nɛ e ba mi.

Yohane 14:22

Yuda (pi Yuda Iskariot) bi lɛ ke, “Nyɔmtsɛ, kɛ pee kɛɛ nɛ wɔ pɛ nɛ o ma ha nɛ waa le mo, se pi je ɔ tsuo ɔ?”

Yohane 14:5

Toma bi lɛ ke, “Nyɔmtsɛ, he nɛ o yaa a po wa li, nɛ kɛ wa maa pee kɛ le blɔ ɔ nɛ a kɛ yaa lejɛ ɔ kɛɛ?”

Yohane 16:1

“I ngɛ nyɛ ní nɛ ɔmɛ dee, bɔ nɛ pee nɛ nyɛ ko ngmɛɛ nyɛ hemi kɛ yemi ɔ he.

Yohane 16:16

“E piɛ bɔɔ nɛ nyɛ be mi nae hu; kɛkɛ ɔ, bɔɔ se ɔ, nyɛ maa na mi ekohu.”

Yohane 16:18

‘Be bɔɔ’ nɛ ɔ, kɛ ji e sisi kɛɛ? Nɔ́ nɛ e ngɛ dee ɔ, wa nui sisi!”

Yohane 16:19

Yesu na kaa a ngɛ hlae nɛ a bi lɛ nɔ́ nɛ e de ɔ sisi, lɔ ɔ he ɔ, e de mɛ ke, “I ke, ‘E piɛ bɔɔ nɛ nyɛ be mi nae hu; kɛkɛ bɔɔ se ɔ, nyɛ maa na mi ekohu.’ Anɛ enɛ ɔ he munyu nyɛ ngɛ nyɛ he bie ɔ?

Yohane 16:5

Amlɔ nɛ ɔ lɛɛ i yaa nɔ nɛ tsɔ mi ɔ ngɔ, se nyɛ ti nɔ ko bi we mi he nɛ i yaa.