Yohane 16:16 - BAIBLO ALOO NGMAMI KLƆUKLƆU Ɔ

¹⁶ “E piɛ bɔɔ nɛ nyɛ be mi nae hu; kɛkɛ ɔ, bɔɔ se ɔ, nyɛ maa na mi ekohu.”

Somi He Ɔ

¹⁶ “E piɛ bɔɔ nɛ nyɛ be mi nae, nɛ jeha nɛ ɔ hu e piɛ bɔɔ nɛ nyɛ maa na mi; ejakaa i yaa Tsɛ ɔ ngɔ.”

Yohane 16:16 ပူးပေါင်းရင်းမြစ်များ

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Yohane 12:35

Yesu he nɔ ke, “Be bɔɔ ko pɛ nɛ e piɛ nɛ la a kɛ nyɛ maa hi si kɛ yaa si. Be mi nɛ la a ngɛ nɛ ɔ, nyɛɛ nyɛɛ blɔ ɔ nɔ, konɛ diblii ɔ nɛ ko ba na nyɛ, ejakaa nɔ nɛ nyɛɛɔ diblii mi ɔ, e li he nɛ e yaa.

Yohane 13:3

Yesu nitsɛ le kaa Tsɛ ɔ ha lɛ he wami tsuo nɛ e kɛ pee nɔ́ tsuaa nɔ́. E le hu kaa Mawu ngɔ nɛ e je kɛ ba, nɛ Mawu ngɔ nɔuu e kpale kɛ yaa.

Yohane 13:33

Ye bimɛ, be nɛ i kɛ nyɛ maa hi si kɛ yaa si ɔ pi saasaa. Nyɛ ma hla mi, se kaa bɔ nɛ i de Yuda ma nimeli ɔmɛ ɔ, ‘He nɛ i yaa a, nyɛ be nyɛe maa ba.’

Yohane 16:10

nɛ a juɛmi ngɛ nɔ́ nɛ da he ɔ dɛ, ejakaa i yaa Tsaatsɛ ngɔ nɛ nyɛ be mi nae hu.

Yohane 16:22

Jã nɔuu, nyɛ hu amlɔ nɛ ɔ, nyɛ ngɛ kɔmɔ yee, se ma na nyɛ ekohu. Nyɛ tsui maa nɔ nyɛ mi, nɛ nyɛ bua jɔmi ɔ, nɔ ko be hee ngɛ nyɛ dɛ.

Yohane 16:28

Niinɛ, i je Tsɛ ɔ ngɔ kɛ ba je ɔ mi, nɛ amlɔ nɛ ɔ, i ngɛ je ɔ mi jee kɛ yaa Tsɛ ɔ ngɔ.”

Yohane 16:5

Amlɔ nɛ ɔ lɛɛ i yaa nɔ nɛ tsɔ mi ɔ ngɔ, se nyɛ ti nɔ ko bi we mi he nɛ i yaa.

Yohane 17:13

Jehanɛ ɔ, i ma o ngɔ, nɛ i ngɛ enɛ ɔ dee be mi nɛ i ngɛ je ɔ mi kɛ mwɔɔ, konɛ bua jɔmi nɛ i na a, mɛ hu a na.

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 7:33

Yesu de mɛ ke, “E piɛ be bɔɔ pɛ nɛ i kɛ nyɛ maa hi si, kɛkɛ ma kpale kɛ ho nɔ nɛ tsɔ mi ɔ ngɔ ya.

Ni Tsumi 1:3

E gbenɔ se kekleekle ligbi nyingmi eywiɛ ɔmɛ ɔ, e gu blɔhi fuu a nɔ je e he kpo tsɔɔ bɔfo ɔmɛ kaa e ngɛ wami mi kɛ mwɔɔ. A na lɛ, nɛ e kɛ mɛ sɛɛ Mawu matsɛ yemi ɔ he ní.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.