Yohane 16:14 - BAIBLO ALOO NGMAMI KLƆUKLƆU Ɔ

¹⁴ E maa wo ye hɛ mi nyami, ejakaa níhi nɛ i wo nɔ ta a, e maa tsɔɔ nyɛ.

Somi He Ɔ

¹⁴ Lɛ e maa wo ye hɛ mi nyami, ejakaa e maa ngɔ ye nɔ ɔ eko nɛ e maa wo nɔ ta de nyɛ.

Yohane 16:14 ပူးပေါင်းရင်းမြစ်များ

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Yohane 14:21

“Nɔ tsuaa nɔ nɛ ngɔɔ ye mlaa amɛ nɛ e yeɔ a nɔ ɔ, e suɔ mi; nɛ nɔ tsuaa nɔ nɛ suɔ mi ɔ, Tsaatsɛ maa suɔ lɛ. Jehanɛ imi hu ma suɔ lɛ, nɛ ma ha nɛ e le mi saminya.”

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Yohane 7:39

Blɔɔ, Mumi ɔ he Yesu de enɛ ɔ nɛ, ejakaa nɔ tsuaa nɔ nɛ heɔ lɛ yeɔ ɔ nine maa su Mumi ɔ nɔ. Se jamɛ a be ɔ, Mumi ɔ bɛ lolo, ejakaa a na we nɛ a wo Yesu hɛ mi nyami.

1 Korintobi 12:3

I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

1 Petro 2:7

Nyɛ nihi nɛ nyɛ he ye ɔ, e he jua wa ha nyɛ saminya; se ni nɛmɛ nɛ he we yi ɔ, “Tɛ ɔ nɛ tsu fiali ɔmɛ kua a, lɔ ɔ tutuutu ba plɛ pee kɔ nya tɛ.”

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.