Yohane 16:13 - BAIBLO ALOO NGMAMI KLƆUKLƆU Ɔ

¹³ Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Somi He Ɔ

¹³ se ke anɔkuale Mumi ɔ na ba a, e maa tsɔɔ nyɛ anɔkuale ɔ kulaa mi blɔ; ejakaa e be lɛ nitsɛ e yi mi toe kɛ tu munyu, se mohu nɔ́ tsuaa nɔ́ nɛ e maa nu ɔ, kɔlɔ ɔ e ma de, nɛ nihi nɛ ma a, e maa wo nɔ ta de nyɛ.

Yohane 16:13 ပူးပေါင်းရင်းမြစ်များ

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Yohane 14:17

Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

Yohane 12:49

Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

1 Yohane 4:6

Se wɔɔ lɛɛ Mawu níhi ji wɔ. Nɔ tsuaa nɔ nɛ le Mawu ɔ, e buɔ wɔ tue; nihi nɛ kɛ Mawu be ɔ, mɛɛ a bui wɔ tue. Enɛ ɔ waa kɛ naa slɔɔto nɛ ngɛ anɔkuale mumi ɔ, kɛ lakpa mumi ɔ a kpɛti.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Kpojemi 1:19

Lɔ ɔ he ɔ, ngmaa nɔ́ nɛ o na nɛ ngɛ nɔ yae amlɔ nɛ ɔ, kɛ nɔ́ nɛ maa ba hwɔɔ se ɔ.

Yohane 8:38

Imi lɛɛ níhi nɛ Tsaatsɛ tsɔɔ mi ɔ, lɔ ɔmɛ i deɔ; se nyɛɛ lɛɛ níhi nɛ nyɛ tsɛ ɔ de nyɛ ɔ, lɔ ɔmɛ nyɛ peeɔ.”

2 Tesalonikabi 2:3

Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.

2 Tesalonikabi 2:12

Kɛkɛ ɔ, nihi tsuo nɛ he we anɔkuale ɔ yi, se yayami mohu he a bua jɔɔ ɔ, a maa bu mɛ fɔ.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Yoel 2:28

“Pee se ɔ, ma plɛ ye mumi ɔ kɛ pue nɔ tsuaa nɔ nɔ; nyɛ binyumu ɔmɛ kɛ nyɛ biyi ɔmɛ maa fiɛ ye sɛ gbi ɔ; nyɛ nimowi ɔmɛ maa nla nlamihi, nɛ nyɛ nihewi ɔmɛ maa na ninahi.

Ni Tsumi 20:23

Nɔ́ nɛ i le kɛkɛ ji kaa ma tsuaa ma mi ɔ, Mumi Klɔuklɔu ɔ jeɔ tsɔɔ mi kaa a maa wo mi tsu, nɛ ma na amanehlu babauu.

Yohane 3:32

Nɔ́ nɛ e na, kɛ nɔ́ nɛ e nu ɔ, lɔ ɔmɛ a he odase e yeɔ, pohu nɔ ko nɔ ko ngɔɛ e munyu ɔ.

Ni Tsumi 11:28

A ti nɔ ko nɛ a tsɛɛ lɛ Agabo ɔ te da si, nɛ Mumi ɔ ha nɛ e gba nɛ e de ke hwɔ nguaa ko ma ba te si ngɛ je ɔ mi tsuo. Hwɔ ba niinɛ ngɛ Kaisare Klaudio yi nɔ.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Yohane 16:12

“I ngɛ níhi fuu nɛ piɛ nɛ ma de nyɛ, se nyɛ be nyɛe he maa pɛtɛ amlɔ nɛ ɔ.

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

1 Yohane 5:6

Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.