Yohane 16:11 - BAIBLO ALOO NGMAMI KLƆUKLƆU Ɔ

¹¹ Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

Somi He Ɔ

¹¹ kojomi he, ejakaa a kojo je ɔ mi matsɛ ɔ.

Yohane 16:11 ပူးပေါင်းရင်းမြစ်များ

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

Hebribi 9:27

Mawu to kaa adesa nɛ gbo si kake, nɛ lɔ ɔ se ɔ, a kojo lɛ.

Hebribi 6:2

Níhi nɛ wa tsɔɔ nyɛ nɛ kɔɔ nɔ sɔlemi, nine nɛ a kɛ pueɔ nɔ nɔ, gbogboehi a si temi, kɛ nyagbe kojomi he ɔ, e hia we kaa waa hi lɔ ɔmɛ tsɔɔe kpamisa.

Efesobi 2:2

Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Ni Tsumi 10:42

Jehanɛ hu, e fa wɔ ke waa fiɛ sane kpakpa a ngɔ tsɔɔ ma a, nɛ waa ye odase kaa lɛ ji nɔ nɛ Mawu hla nɛ e kojo nihi nɛ hɛ ngɛ, kɛ ni nɛmɛ nɛ gbo ɔ.

Luka 10:18

Yesu he nɔ ke, “I na Satan nɛ je hiɔwe ba nɔ si kaa oslabai nɛ tsɔ.

Mateo 12:36

“I ngɛ nyɛ dee ke kojomi ligbi ɔ, nyɛ ti nɔ tsuaa nɔ maa bu akɔtaa ngɛ yaka munyu tsuaa yaka munyu nɛ e tu hyɛ he.

Mateo 12:18

“Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

La 68:18

O kuɔ yo gagaa a, nɛ o kpaka nihi nɛ a nuu mɛ ta nyɔguɛ kɛ nyɛɛ o se yuu. O he nike ní kɛ je nimli adesahi tsuo a dɛ; o he ngɛ atuã tsɔli tete po a dɛ, konɛ mo Yawɛ ɔ o hi a kpɛti ngɛ lejɛ ɔ.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Yohane 16:12

“I ngɛ níhi fuu nɛ piɛ nɛ ma de nyɛ, se nyɛ be nyɛe he maa pɛtɛ amlɔ nɛ ɔ.