Yohane 15:6 - BAIBLO ALOO NGMAMI KLƆUKLƆU Ɔ

⁶ Nɔ tsuaa nɔ nɛ mɛtɛ we ye he ɔ, a sakee lɛ fɔɔ he kaa tso kɔni, nɛ e gbliɔ. Jamɛ a kɔni ɔmɛ ɔ, a buaa nya kɛ woɔ la mi nɛ a sãã.

Somi He Ɔ

⁶ Ke nɔ ko hi ye mi ɔ, a sakee lɛ fɔɔ he kaa tso kɔni, nɛ e gbliɔ, nɛ a buaa nya ngɔ woɔ la mi, nɛ a sãa.

Yohane 15:6 ပူးပေါင်းရင်းမြစ်များ

Samuel II, 23:7

Nɔ nɛ maa ta he ɔ, ja e hɛɛ dade, loo akplɔ. A kɛ la maa sã mɛ.

Hiob 15:30

nɛ diblii maa wo lɛ. E maa pee kaa tso nɛ la sã e kɔnihi, nɛ kɔɔhiɔ muɔ e mɔmɔ ɔmɛ kɛ ho.

La 80:15

Wai tso bɔbɔyoo ɔ nɛ mo nitsɛ o ma, nɛ o hyɛ nɔ saminya kɛ ya si e bɔ kikɛ nɛ ɔ, ba nɛ o ba he e yi wami.

Yesaya 14:19

se moo lɛɛ o be yɔkɔ ɔ eko kulaa; a sake o gbogboe ɔ ngɔ fɔ he, konɛ e sa. Nihi nɛ nɔ ngɛ ta mi ɔ, a gbogboe ɔmɛ ha o nɔ; a sake o kɛ mɛ tsuo kɛ pue tɛ muɔ ko mi kaa gbogboe nɛ a naa nɔ.

Yesaya 27:10

Ma nɛ a fia gbogbo ngɔ wo he ɔ ku kɛ pueɔ si. E plɛ pee ma doku kaa nga kplanaa nɛ nɔ ko nɔ ko be nɔ. Lejɛ ɔ plɛ pee lohwe lɛmi he, he nɛ nahi maa ye ní, nɛ a maa jɔɔ a he ngɛ.

Ezekiel 17:9

“Lɔ ɔ he ɔ, imi Nyɔmtsɛ Yawɛ i ngɛ bie ke tso nɛ ɔ yi ma na wami lo? Anɛ kekle kɔle ɔ be tso ɔ gblae nɛ e hia e sipoku tsuo kɛ fɔ he, nɛ e ku e kɔni ɔmɛ, konɛ a gbli lo? E yi mi ba amɛ tsuo ma gbli. Pi he wami tsɔ ko, loo nihi babauu nɛ a ma na loko a maa hia tso nɛ ɔ.

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

Mateo 27:5

Yuda ya sake sika a ngɔ pue sɔlemi we ɔ mi, nɛ e ho ya wo e kuɛ kpa.

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Mateo 7:19

Tso tsuaa tso nɛ wui yiblii kpakpa a, a hɛɛ, nɛ a sakeɔ kɛ fɔɔ la mi.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Hebribi 10:27

Mohu ɔ, waa kɛ gbeye yemi nɛ hyɛ kojomi nɛ ma a, kɛ la gegeege nɛ ma kpata nihi nɛ teɔ si kɛ siɔ Mawu a hɛ mi ɔ blɔ.

2 Petro 2:20

Waa ngɔ lɛ kaa nihi na le wa Nyɔmtsɛ kɛ wa kpɔlɔ Yesu Kristo, nɛ lɔ ɔ he ɔ, a tu je nɛ ɔ mi mu níhi a nya fo. Pee se, ke a ngɔ a he ya wo yayami mi ekohu, nɛ yayami ɔ ye a nɔ ɔ, nimli nɛ ɔmɛ a nyagbe si himi ba peeɔ mɔbɔ kulaa pe kekle nɔ́ ɔ po.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”