Yohane 15:5 - BAIBLO ALOO NGMAMI KLƆUKLƆU Ɔ

⁵ “Imi ji wai tso ɔ, nɛ nyɛ ji kɔni ɔmɛ. Nɔ tsuaa nɔ nɛ hii ye mi, nɛ imi hu i hii e mi ɔ, e maa wo yiblii babauu, ejakaa ke ye he be mi ɔ, nyɛ be nɔ́ ko nɔ́ ko nyɛe ma tsu.

Somi He Ɔ

⁵ “Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Yohane 15:5 ပူးပေါင်းရင်းမြစ်များ

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

2 Korintobi 13:8

Ejakaa wa blɔ nya ji kaa waa hyɛ nɛ anɔkuale ɔ nɛ gbɛ fĩa; se pi kaa wa maa pee nɔ́ ko kɛ si anɔkuale ɔ.

Yohane 5:19

Jehanɛ ɔ, Yesu ya nɔ nɛ e de mɛ ke, “I ngɛ nyɛ dee anɔkuale mi ke Bi ɔ pee we nɔ́ ko ngɛ lɛ nitsɛ e yi mi tomi nya. Nɔ́ nɛ e na nɛ Tsɛ ɔ ngɛ pee ɔ, lɔ ɔ nɛ e peeɔ. Nɔ́ nɛ Tsɛ ɔ peeɔ ɔ, Bi ɔ hu peeɔ.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Yohane 12:24

I ngɛ nyɛ dee anɔkuale mi ke, ke a du we ngma ngu ngɛ zu mi, nɛ e gbo ɔ, lɛɛ ngma ngu kake ngmelu ji lɛ daa. Se ke e gbo ɔ, e woɔ yiblii babauu.

Romabi 7:4

Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Yohane 9:33

Nɔmlɔ nɛ ɔ, ke pi Mawu ngɔ nɛ e je ɔ, jinɛ e ko nyɛ we nɔ́ ko peemi.”

Filipibi 4:17

Pi kaa nike ní nɛ i ngɛ hlae doo, se mohu kaa nyɛ maa gu lɔ ɔ peemi nɔ kɛ na biɛ kaa kpakpa peeli.

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

1 Korintobi 12:12

Nɔmlɔ tso ɔ, nɔ kake, se e he níhi hiɛ babauu, nɛ e he ní nɛ ɔmɛ tsuo lɛ peeɔ nɔmlɔ tso kake ɔ nɛ. Kikɛ nɛ ɔ Kristo hu ngɛ.

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.

1 Korintobi 12:27

Nyɛ tsuo pɛpɛɛpɛ ji Kristo nɔmlɔ tso ɔ nɛ, nɛ nyɛ ti nɔ tsuaa nɔ peeɔ Kristo nɔmlɔ tso ɔ he nɔ́ ko.

Efesobi 5:9

Ejakaa la kaa kikɛ nɛ ɔ he okadihi nɛ a naa ji kpakpa peemi, dami sane yemi, kɛ anɔkuale tumi.

2 Korintobi 9:10

Mawu lɛ haa nɔ wu nɛ e duɔ, kɛ ngma nɛ e yeɔ. Wu tsuo nɛ hia nyɛ dumi ɔ, Mawu ma ha nyɛ, nɛ ke nyɛ du ɔ, lɛ nɔuu e ma ha nɛ tso ɔ maa wa. Kpakpa nɛ nyɛ ngɛ pee ɔ, blɔ nɔ nɛ Mawu maa gu nɛ e ma ha nɛ e wo yiblii ji nɛ ɔ nɛ.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Romabi 12:5

Jã kɛ̃ wɔ nimli babauu nɛ ɔ, wa peeɔ nɔmlɔ tso kake ngɛ Kristo mi, nɛ wa ti nɔ tsuaa nɔ ɔ, e nyɛmimɛ ɔmɛ a nɔ ji lɛ.

1 Korintobi 10:16

Nyɔmtsɛ ɔ niye ní kplu ɔ nɛ wa naa Mawu si ngɛ he ɔ, anɛ e ha we nɛ wɔ tsuo wa naa gbaami nɛ jeɔ Kristo muɔ mi ɔ eko lo? Jã kɛ̃ ke wa ku abolo ɔ nɛɛ, anɛ wɔ tsuo wa na we gbaami nɛ jeɔ Kristo nɔmlɔ tso ɔ mi ɔ eko lo?

Hosea 4:8

Nyɛ náá ní babauu kɛ jee yayami nɛ ma a ngɛ pee ɔ mi. Lɔ ɔ he ɔ, nyɛ suɔ kaa ma a nɛ ya nɔ nɛ a hi yayami pee kpamisa.

Mateo 13:21

Se sɛ gbi ɔ he we si ngɛ a mi, nɛ e se kɛ we hulɔ. Ke haomi, loo yi wami ba ngɛ munyu ɔ he ɔ, kɛkɛ a nane kpata.