Yohane 15:25 - BAIBLO ALOO NGMAMI KLƆUKLƆU Ɔ

²⁵ Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Somi He Ɔ

²⁵ Sa nɛ e ba jã benɛ pee nɛ munyu nɛ a ngma ngɛ Mlaa a mi ɔ nɛ ba mi ke: ‘A nyɛ mi gu!’

Yohane 15:25 ပူးပေါင်းရင်းမြစ်များ

La 109:3

A te si kɛ wo mi, nɛ a ngɛ nɔ́ yayami dee ngɛ ye he kɛkɛ.

La 35:19

Ko ha nɛ ye he nyɛli lakpatsɛmɛ ɔmɛ nɛ a nya. Nihi nɛ nyɛɔ mi yaka gu ɔ, ko ha nɛ a kpɛ mi.

La 69:4

Nihi nɛ ye he ngɛ mɛ tsɛ̃e yaka gu ɔ, a he hiɛ babauu pe ye yi bwɔmi. Ye he nyɛli lakpatsɛmɛ nɛ ngɛ ye hɛ mi hlae nɛ a kpata a, yiwutsotsɛmɛ kpanakuhi ji mɛ. Anɛ níhi nɛ pi ojo nɛ i ye kɛ na a, lɔ ɔmɛ hu ma ngɔ kɛ ha lo?

Mateo 10:8

Nyɛ tsa hiɔtsɛmɛ; nyɛ tle ni gbogboehi si; nyɛ tsa nihi nɛ ngɛ he womi nɔ hiɔ yaya nue, nɛ nyɛɛ hia mumi yayamihi. Nyɛ ná lɛ yaka gu nɛ nyɛ wui he hiɔ; nyɛ hu nyɛ ngɔ ha nɛ nyɛ ko he hiɔwo.

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Yohane 10:34

Yesu he nɔ ke, “A ngma ngɛ nyɛ mlaa a mi ke, Mawu de ke, ‘Mawuhi ji nyɛ.’

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 19:36

A pee enɛ ɔ, konɛ nɔ nɛ a ngma ke, “A be e wu ko kue” ɔ, nɛ ba mi.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Romabi 3:24

Se Mawu gu dloomi nɛ e kɛ haa je ɔ yaka a nɔ kɛ wo nihi tsuo nguɔ. E pee enɛ ɔ kɛ gu Kristo Yesu nɛ ha a ye a he ɔ nɔ.

2 Korintobi 11:7

Benɛ i ba fiɛ sane kpakpa a nɛ kɔɔ Mawu he ɔ ngɔ ha nyɛ ɔ, i he we nyɛ nɔ́ ko. I ba ye he si, konɛ nyɛɛ lɛɛ nyɛ hɛ mi nɛ ba nyami. Anɛ yayami ji nɛ ɔ lo?

Galatabi 2:21

I kplɛɛ kaa Mawu dloomi ji lɛ ha mi. Ke mlaa a nɔ a guu kɛ dlaa nɔ kɛ Mawu a kpɛti ɔ, lɛɛ Kristo gbo yaka gu.

2 Tesalonikabi 3:8

Wa yi nɔ ko ní yaka nɛ́ wa wui he hiɔ; mohu ɔ, wa tsu ní kɛ pɔtɔ. Wa tsu ní nyɔ kɛ pia, konɛ wa ko pee tlomi ha nyɛ ti nɔ ko.

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.