Yohane 15:22 - BAIBLO ALOO NGMAMI KLƆUKLƆU Ɔ

²² Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.

Somi He Ɔ

²² I bɛ nɛ i kɛ mɛ ba tu munyu jinɛ, yayami ko be a he; se enɛ ɔ ɔ, a be a he yayami ɔ he nya jemi ko.

Yohane 15:22 ပူးပေါင်းရင်းမြစ်များ

Ezekiel 2:5

Ke atuã tsɔli nɛ ɔmɛ bu mo tue jio, a bui mo tue jio, a ma na maa le kɛ̃ kaa gbalɔ ko ngɛ a kpɛti.

Luka 12:46

Nyɔmtsɛ ɔ maa kpale kɛ ba tlukaa ligbi nɛ e tsɔlɔ ɔ hyɛ we lɛ blɔ, nɛ́ e hɛ be e he nɔ hulɔ. E maa gbla jamɛ a tsɔlɔ ɔ tue; e maa poo e mi kpɔ nya kpɔ nya kaa bɔ nɛ sa tue gbolɔ.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Yohane 15:23

Nɔ tsuaa nɔ nɛ nyɛɔ mi ɔ, e nyɛɔ Tsaatsɛ hulɔ.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 16:9

A juɛmi ngɛ yayami he ɔ dɛ, ejakaa a he we mi yi;

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Yohane 9:41

Yesu de mɛ ke, “Kaa nyɛ hɛ yu mohu ɔ, jinɛ yayami be nyɛ he; se jehanɛ ɔ, nyɛ deɔ ke, ‘Wa ngɛ nɔ hyɛe,’ lɔ ɔ he ɔ, nyɛ he yayami ɔ ngɛ nyɛ he kɛ mwɔɔ.”

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Romabi 1:20

Kɛ je be nɛ Mawu bɔ je ɔ, e he wami nɛ ngɛ daa, kɛ e su nɛ ji níhi nɛ a nɛ́ kɛ hɛngmɛ ɔ jeɔ kpo paa ngɛ e nibɔ ní ɔmɛ a mi, nɛ adesa naa. Lɔ ɔ he ɔ, a be nya jemi ko kulaa.

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.

1 Petro 2:16

Nyɛɛ hi si kaa nihi nɛ ye a he, se nyɛ ko ngɔ he yemi nɛ ɔ kɛ pee yayami nɛ nyɛɛ laa nɔ. Mohu ɔ, nyɛɛ hi si kaa Mawu tsɔli.