Yohane 15:21 - BAIBLO ALOO NGMAMI KLƆUKLƆU Ɔ

²¹ Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

Somi He Ɔ

²¹ A maa ngɔ enɛ ɔmɛ tsuo ngɔ pee nyɛ ngɛ ye biɛ ɔ he, mɛni he je ɔ, a li nɔ nɛ tsɔ mi ɔ.

Yohane 15:21 ပူးပေါင်းရင်းမြစ်များ

La 69:7

Ejakaa o he ɔ, a ngɛ mi ahlua bɔe, nɛ zo gbe mi kpɔtɔɔ.

Yesaya 66:5

Nyɛ ni nɛmɛ nɛ nyɛ yeɔ Yawɛ gbeye, nɛ nyɛ buɔ lɛ, nyɛ ta tue, “Akɛnɛ nyɛ yeɔ mi anɔkuale ɔ, nyɛ ma mi bi ɔmɛ ekomɛ nyɛɔ nyɛ, nɛ a kɛ nyɛ pee we nɔ́ ko nɔ́ ko, se nyɛ he fɛu mohu a yeɔ. A deɔ ke, ‘Yawɛ nɛ je e he wami kpo nɛ e he nyɛ yi wami, konɛ waa na bɔ nɛ nyɛ ma nya ha.’ Se mɛ nitsɛmɛ a hɛ mi si mohu a ma pue!

Mateo 10:18

Ye he ɔ, a maa ngɔ nyɛ kɛ ya ganɔhi, kɛ matsɛmɛ a hɛ mi. A ma ha nɛ nyɛɛ ye sane kpakpa a he odase ngɔ tsɔɔ mɛ, kɛ ma je li tsuo.

Mateo 10:22

Ye he ɔ, nihi tsuo maa nyɛ nyɛ. Se nɔ nɛ ma wlua lɛ kɛ yaa si nyagbe ɔ, a ma he e yi wami.

Mateo 10:39

Nɔ tsuaa nɔ nɛ baa e klaa yi ɔ, e maa laa lɛ; se nɔ nɛ laa e klaa ngɛ ye he ɔ, e nine maa su nɔ.

Mateo 24:9

“Jamɛ a be ɔ mi ɔ, a maa nuu nyɛ; nɛ a maa ngɔ nyɛ ngɔ ha nɛ a wa nyɛ yi mi nɛ a gbe nyɛ. Nɛ ye he ɔ, je ma amɛ tsuo maa nyɛ nyɛ.

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Marko 13:13

Nihi tsuo maa nyɛ nyɛ ngɛ ye biɛ ɔ he; se nɔ nɛ daa haomi ɔ nya kɛ ya siɔ nyagbe ɔ, Mawu ma he e yi wami.

Luka 21:12

Se loko ní nɛ ɔmɛ tsuo maa ba a, a maa nuu nyɛ, nɛ a maa wa nyɛ yi mi. A maa ngɔ nyɛ kɛ ha nɛ a kojo nyɛ ngɛ kpe he ɔmɛ, nɛ a maa wo nyɛ tsu. Ye he ɔ, a maa ngɔ nyɛ kɛ ba matsɛmɛ, kɛ ganɔhi a hɛ mi.

Luka 21:17

Ye he ɔ, nihi tsuo maa nyɛ nyɛ,

Luka 6:22

“Ke nimli nyɛ nyɛ, loo a kua nyɛ, loo a jɛ nyɛ, loo a puɛ nyɛ biɛ ke nimli yayamihi ji nyɛ, ngɛ imi Nɔmlɔ Bi ɔ, ye he ɔ, á gbaa nyɛ!

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 17:25

Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 8:19

A bi lɛ ke, “O Tsɛ ɔ, jije e ngɛ?” Yesu he nɔ ke, “Nyɛ li mi, nɛ Tsaatsɛ hu nyɛ li lɛ. Kaa nyɛ le mi jinɛ nyɛ maa le Tsaatsɛ hulɔ.”

Yohane 8:54

Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami.

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

Ni Tsumi 17:23

Ejakaa benɛ i nyɛɛ nyɛ ma a mi kɛ bee ɔ, i hyɛ níhi nɛ nyɛ jaa a. I na bɔ sami la tɛ ko nɛ a ngma ngɛ nɔ ke, ‘Mawu nɛ a li lɛ ɔ nɔ́.’ Lɔ ɔ he ɔ, nɔ nɛ nyɛ li lɛ, se kɛ̃ ɔ, nyɛ jaa lɛ ɔ, lɛ nɔuu e he sane i ngɛ fiɛe kɛ ngɛ nyɛ tsɔɔe ɔ nɛ.

Ni Tsumi 26:9

“Imi nitsɛ hu jinɛ i susu kaa ma bɔ mɔde kɛ puɛ Yesu, Nazaret no ɔ ní tsumi ɔ.

Ni Tsumi 3:17

“Jehanɛ ye nyɛmimɛ, i le kaa nɔ́ nɛ nyɛɛ kɛ nyɛ hɛ mi nyɛɛli ɔmɛ pee Yesu ɔ, pe nyɛ li nɛ nyɛ pee.

Ni Tsumi 4:17

Se kɛ̃ ɔ, bɔ nɛ pee nɛ munyu ɔ ko gbɛ fĩa fuu ko hu ngɛ ma a mi he je ɔ, nyɛ ha waa bɔ mɛ kɔkɔ ke a ko ngɔ Yesu biɛ kɛ tsɔɔ ní hu.”

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Ni Tsumi 9:14

Hiɛ ɔ nɛ e ba nɛ ɔ hu, he wami e ya bi kɛ je osɔfo nikɔtɔma amɛ a ngɔ, konɛ e ba nuu nihi tsuo nɛ jaa mo ɔ.”

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

1 Korintobi 2:8

Je nɛ ɔ mi nɔ yeli ɔmɛ a ti nɔ ko nɔ ko li nile nɛ ɔ, a le jinɛ a ko sɛu we Nyɔmtsɛ Mawu nɛ hɛ mi ngɛ nyami ɔ.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

1 Yohane 3:1

Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.

3 Yohane 1:7

Ejakaa blɔ nɛ a hia nɛ ɔ, Kristo ní tsumi a ngɛ tsue, nɛ a he we nihi nɛ li Mawu ɔ a dɛ mi yemi kɛ buami ko kulaa.

Kpojemi 2:3

O toɔ tsui si; o naa amanehlu ngɛ ye he nɛ pɔ tɔɛ mo.