Yohane 15:16 - BAIBLO ALOO NGMAMI KLƆUKLƆU Ɔ

¹⁶ Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Somi He Ɔ

¹⁶ Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

Yohane 15:16 ပူးပေါင်းရင်းမြစ်များ

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

Efesobi 2:10

Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Luka 6:13

Benɛ je na a, e tsɛ e kaseli ɔmɛ kɛ ba e ngɔ, nɛ e hla a kpɛti ni nyɔngma kɛ enyɔ, nɛ e tsɛ mɛ ke bɔfohi.

Galatabi 1:15

Se, mamoo benɛ a na we nɛ a fɔ mi ɔ, jamɛ a be ɔ mi tɔɔ nɛ Mawu gu e dloomi ɔ nɔ nɛ e hla mi. Nɛ benɛ e to e yi mi kaa

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

Ni Tsumi 22:14

E de mi ke, ‘Wa nɛmɛ ɔmɛ a Mawu ɔ hla mo ngɔ to, konɛ o le e suɔmi nya ní, nɛ o na e Tsɔlɔ nɛ peeɔ nɔ nɛ da a, konɛ o nu lɛ nitsɛ e nya mi gbi.

2 Timoteo 2:2

Níhi nɛ o nu nɛ i ngɛ fiɛe ngɛ nihi babauu a hɛ mi ɔ, tsɔɔ nihi nɛ yeɔ anɔkuale ɔ lɔ ɔmɛ nɔuu, konɛ mɛ hu a tsɔɔ ni kpahi.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 6:70

Yesu bi mɛ ke, “Anɛ pi imi nɛ i hla nyɛ ni nyɔngma kɛ enyɔ ɔmɛ lo? Lɛ kɛ pee kɛɛ nɛ nyɛ ti nɔ kake peeɔ Abosiami ɔ?”

1 Petro 3:15

Se nyɛ ja Kristo ngɛ nyɛ tsui mi, nɛ bu nɛ sa lɛ kaa Nyɔmtsɛ ɔ, nyɛ ha lɛ. Be tsuaa be ɔ, nyɛ dla nyɛ he ngɔ to, konɛ ke nɔ ko bi nyɛ ke nyɛɛ tsɔɔ nɔ́ pɔtɛɛ nɛ nyɛ heɔ yeɔ kaa nyɛ nine maa su nɔ hwɔɔ se ɔ, nyɛ nyɛ nɛ nyɛ ha lɛ heto.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

Abɛ Womi 11:30

Nɔ́ nɛ da peemi haa nɔ wami; basabasa lɛɛ gbenɔ e kɛ baa.

Ni Tsumi 1:24

Kɛkɛ nɛ a sɔle ke, “Nyɔmtsɛ, mo nɛ o le nimli tsuo a tsui mi, tsɔɔ wɔ ni enyɔ nɛ ɔmɛ a ti nɔ nɛ o hla,

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

1 Petro 3:2

ejakaa mɛ nitsɛmɛ a maa na kaa nyɛ je mi bami he tsɔ, nɛ nyɛ yeɔ Mawu gbeye.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Mateo 21:22

Ke nyɛ ngɛ hemi kɛ yemi ɔ, nɔ́ tsuaa nɔ́ nɛ nyɛ maa fa kue ngɛ he ɔ, nyɛ nine maa su nɔ.”

La 145:4

Yi nɔ kake ma je níhi nɛ o tsu ɔ a yi kɛ tsɔɔ yi nɔ nɛ nyɛɛ se ɔ; nɛ he wami níhi nɛ o tsu ɔ, a maa sɛɛ kɛ ha mɛ.

2 Timoteo 1:11

Mawu pee mi bɔfo kɛ tsɔɔlɔ, konɛ ma fiɛ sane kpakpa a,

1 Korintobi 10:11

Níhi nɛ ba a nɔ ɔ peeɔ okadi kɛ ha ni kpahi. A ngma ní nɛ ɔmɛ kɛ ngɛ wɔ kɔkɔ bɔe, ejakaa be nɛ wa ngɛ mi nɛ ɔ kɛ nyagbe be ɔ kɛ we kulaa.

Romabi 9:21

Wa le kaa buɛ puɛlɔ ngɛ he wami ngɛ zu nɛ e pɔtɔ ɔ nɔ, kaa e kɛ eko puɛɔ buɛ ko nɛ hi kɛ ha ní tsumi pɔtɛɛ ko, nɛ e puɛɔ buɛ kpa hu ngɛ mi kɛ ha ní tsumi gu ko kɛkɛ.

Yakobo 3:18

Nihi nɛ kpataa pɛ, nɛ a haa he jɔmi baa a, a ngɛ wu kpakpa due, nɛ yiblii nɛ a woɔ ji dami sane yemi.

Hebribi 11:4

Hemi kɛ yemi Habel kɛ sã bɔ nɛ sa Mawu hɛ mi kulaa pe Kain nɔ́ ɔ. Kɛ gu e hemi kɛ yemi ɔ nɔ ɔ, Mawu bu lɛ nɔ nɛ peeɔ nɔ́ nɛ da; ejakaa Mawu nitsɛ bua jɔ e nike ní ɔ he. Amlɔ nɛ ɔ, Habel be je mi lɛɛ, se kɛ gu hemi kɛ yemi ɔ nɔ ɔ, e kɛ wɔ ngɛ munyu tue kɛ mwɔɔ.

Tito 1:5

I si mo ngɛ Kreta, konɛ níhi nɛ piɛ ɔ, o to blɔ nɔ pɛpɛɛpɛ, nɛ o wo asafo nya dali ngɛ ma tsuaa ma mi. Mo kai níhi nɛ i de mo ɔ.

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Ni Tsumi 10:41

wɔ nihi nɛ Mawu hla ngɔ to momo kaa odase yeli ɔ, se pi nɔ tsuaa nɔ. Wɔ ji ni nɛmɛ nɛ e kɛ wɔ ye ní nɛ wa nu ní, benɛ e te si kɛ je gbeje se ɔ.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

Kolosebi 1:23

Lɔ ɔ he ɔ, e hia kaa nyɛɛ hɛɛ hemi kɛ yemi ɔ mi; nyɛɛ da si kpitikplii, nɛ hɛ kɛ nɔ fɔmi nɛ nyɛ ná benɛ nyɛ nu sane kpakpa a, nyɛ ko ngmɛɛ he. Sane kpakpa nɛ ɔ nɛ a fiɛ ngɔ tsɔɔ bɔ níhi tsuo ngɛ je ɔ mi ɔ he lɛ imi Paulo i ba pee sɔmɔlɔ ngɛ.

Mika 5:7

Israel ma nɛ piɛ ɔ ma ha nɛ je mahi babauu ma na bua jɔmi ekohu kaa bɔ́ nɛ je Yawɛ ngɔ, aloo hiɔmi nɛ́ nɛ ngɔ pue nga nɔ. A maa ngɔ a hɛ ngɔ fɔ Mawu nɔ, se pi nɔmlɔ nɔ.

Mose I, 18:18

E nina ma ba pee je ma kpetekpleenyɛ nɛ a he maa wa, nɛ ma gu e nɔ kɛ gbaa je ma amɛ tsuo.

Romabi 1:13

Ye nyɛmimɛ, i suɔ nɛ nyɛɛ le kaa i pee ye yi mi si abɔ kaa ma ba slaa nyɛ, konɛ ma ná yiblii komɛ ngɛ nyɛ kpɛti kaa bɔ nɛ i ná ngɛ ma je li kpa amɛ a kpɛti ɔ. Se kɛ ba si amlɔ nɛ ɔ, i na we blɔ.

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Mateo 7:7

“Nyɛ bi, nɛ a ma ha nyɛ; nyɛ hla, nɛ nyɛ maa na; nyɛ si, nɛ a ma bli sinya a ha nyɛ.

Yohane 15:5

“Imi ji wai tso ɔ, nɛ nyɛ ji kɔni ɔmɛ. Nɔ tsuaa nɔ nɛ hii ye mi, nɛ imi hu i hii e mi ɔ, e maa wo yiblii babauu, ejakaa ke ye he be mi ɔ, nyɛ be nɔ́ ko nɔ́ ko nyɛe ma tsu.