Yohane 15:1 - BAIBLO ALOO NGMAMI KLƆUKLƆU Ɔ

¹ “Imi ji wai tso nitsɛ ɔ, nɛ Tsaatsɛ ji ngmɔtsɛ.

Somi He Ɔ

¹ “Imi ji wai tso nitsɛ ɔ nɛ, nɛ Tsaatsɛ ji ngmɔtsɛ ɔ nɛ.

Yohane 15:1 ပူးပေါင်းရင်းမြစ်များ

Lahi 7:12

Ha nɛ waa te si mɔtu mla kɛ ya hyɛ kaa wai tso ɔmɛ bɔni ba tsɛ̃mi, nɛ a gba mɔmɔ lo. Wa maa hyɛ kaa tso ɔmɛ nɛ a yiblii ngɔɔ hu gba mɔmɔ lo. Lejɛ ɔ, ma tsɔɔ mo ngɛ kaa i suɔ mo saminya.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yeremia 12:10

Ma nɔ yeli babauu ba puɛ ye wai ngmɔ ɔ; a ba naa ye ngmɔ ɔ nɔ, nɛ ye zugba saminyayoo ɔ plɛ pee nga kplanaa.

Yeremia 2:21

O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

Ezekiel 19:10

O nyɛ ngɛ kaa wai tso ko nɛ a hia ya ma ngɛ pa tue. E ná nyu saminya, lɔ ɔ he ɔ, e gba kɔnihi, nɛ e wo yiblii kplanyaa.

Hosea 10:1

Israel ma a ngɛ kaa wai tso nɛ wo yiblii babauu. Ke a ná ní ɔ, kɛkɛ a puɛ bɔ sami la tɛhi fuu. Titimahi nɛ a puɛ nɛ a jaa a, a dlaa a he nɛ a he peeɔ fɛu.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Mateo 15:13

Yesu he nɔ ke, “Tso tsuaa tso nɛ pi Tsaatsɛ nɛ ngɛ hiɔwe ɔ nɛ ma a, a maa hia.

Mateo 20:1

“Hiɔwe matsɛ yemi ɔ ngɛ kaa kikɛ nɛ ɔ: Ligbi ko ɔ, nyumu ko je kpo makɛ mla ya bɔ nihi apaa nɛ a ba tsu ní ngɛ e wai ngmɔ mi.

Mateo 21:33

Yesu de mɛ ke, “Nyɛɛ bu abɛ kpa hu tue. Zugbatsɛ ko hi si. E pee wai ngmɔ, nɛ e du tso tsɔwi kɛ po piɛ wo he kɛ kpe; e tsua wai tɛ muɔ ngɛ mi, nɛ e ma buli a mɔ hu ngɛ mi. Kɛkɛ nɛ e kɛ ha ní tsuli apaa humi; nɛ e doma.

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.

Luka 13:6

Jehanɛ ɔ, Yesu tu mɛ munyu nɛ ɔ ngɛ abɛ gbi mi ke, “Be ko ɔ, nyumu ko du ngmɔkɔ tso ngɛ e wai ngmɔ mi, nɛ e ya, konɛ e ya hla yiblii ngɛ tso ɔ nɔ, se e nɛ eko.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 1:9

La nɛ ɔ ji la nɛ tsoɔ haa nimli adesahi tsuo.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Yohane 6:32

Yesu de mɛ ke, “I ngɛ nyɛ dee anɔkuale mi ke nɔ́ nɛ Mose ha nyɛ ɔ, pi lɔ ɔ ji abolo nɛ je hiɔwe ɔ. Tsaatsɛ ji nɔ nɛ haa nyɛ abolo nitsɛnitsɛ nɛ je hiɔwe.

Yohane 6:55

Ejakaa ye he lo ɔ ji niye ní nɛ sa nɛ a ye, nɛ ye muɔ ɔ, nɔ́ nɛ sa nɛ a nu.

Romabi 11:17

Oliv tso nɛ a je blɔ du ɔ, ke a kplɔ e kɔni ɔmɛ ekomɛ, nɛ a ya ngɔ mo oliv tso nɛ mo nitsɛ lo puɛ ngɛ nga mi ba ta tso ɔ he, nɛ o naa oliv tso sipoku ɔ mi niye ní ɔ eko ɔ,

1 Korintobi 3:9

Wɔɔ lɛɛ Mawu tsɔli nɛ pee kake kɛ ngɛ ní tsue ji wɔ. Nyɛɛ lɛɛ nyɛ ngɛ kaa ngmɔ nɛ Mawu ngɛ ní tsue ngɛ mi. Nyɛ ngɛ kaa tsu nɛ Mawu ngɛ fiae.

1 Yohane 2:8

Se kɛ̃ ɔ, mlaa nɛ i ngɛ ngmae nɛ nyɛɛ ye nɔ nɛ ɔ, mlaa he, ejakaa a naa e we anɔkuale ɔ nɛ ngɛ ní tsue ngɛ nyɛ mi kaa bɔ nɛ e tsu ní ngɛ Kristo mi ɔ. Diblii ɔ ngɛ bee kɛ yaa, nɛ la nitsɛ ɔ bɔni kpɛmi momo.