Yohane 14:9 - BAIBLO ALOO NGMAMI KLƆUKLƆU Ɔ

⁹ Yesu he nɔ ke, “Filipo, be babauu nɛ i kɛ nyɛ hi si nɛ ɔ, kɛ pee kɛɛ nɛ o li mi ɔ? Nɔ tsuaa nɔ nɛ na mi ɔ, e na Tsɛ ɔ. Mɛni he je mɔ nɛ o deɔ ke ma tsɔɔ nyɛ Tsɛ ɔ?

Somi He Ɔ

⁹ Yesu de lɛ ke: “Pi mwɔnɛ nɛ i kɛ nyɛ ngɛ nɛ ɔ, o li mi lolo lo, Filipo? Nɔ nɛ na mi ɔ, e na Tsɛ ɔ, nɛ kɛ pee kɛɛ nɛ o deɔ ke: ‘Tsɔɔ wɔ Tsɛ ɔ?’

Yohane 14:9 ပူးပေါင်းရင်းမြစ်များ

Mose I, 26:9

Abimelek tsɔ ya tsɛ Isak kɛ ba, nɛ e bi lɛ ke, “Mamoo o yo ji yo ɔ! Mɛni he je mɔ nɛ o de ke o nyɛmiyo ji lɛ ɔ?” Isak he nɔ ke, “I susu kaa ke i de ke ye yo ji lɛ ɔ, a maa gbe mi.”

La 11:1

I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Marko 9:19

Yesu de mɛ ke, “Nyɛ yi nɔ nɛ ɔ bi nɛ nyɛ he we Mawu yi! Mɛni be i kɛ nyɛ maa hi si kɛ yaa si? Mɛni be ma to ye tsui si ha nyɛ kɛ ya su? Nyɛɛ ngɔ jokuɛ nyumuyo ɔ kɛ ba ye ngɔ.”

Luka 12:56

Osatotsɛmɛ! Nyɛ le je nɛ ɔ mi níhi, kɛ hiɔwe níhi a sisi tsɔɔmi. Mɛni he je mɔ nɛ níhi nɛ ngɛ nɔ yae be nɛ ɔ mi ɔ lɛɛ nyɛ li ɔ?

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 10:30

I kɛ Tsɛ ɔ ni kake ji wɔ.”

Yohane 12:45

Nɔ tsuaa nɔ nɛ na mi ɔ, e na nɔ nɛ tsɔ mi ɔ.

Yohane 14:20

Ke jamɛ a be ɔ su ɔ, nyɛ maa le kaa i ngɛ Tsaatsɛ mi, nɛ nyɛ hu nyɛ ngɛ ye mi kaa bɔ nɛ imi hu i ngɛ nyɛ mi ɔ.

Yohane 14:7

Kaa nyɛ le mi jinɛ nyɛ ko le Tsaatsɛ hulɔ. Kɛ je be nɛ ɔ mi kɛ yaa nɛ ɔ, nyɛ le lɛ, ejakaa nyɛ na lɛ.”

Yohane 8:19

A bi lɛ ke, “O Tsɛ ɔ, jije e ngɛ?” Yesu he nɔ ke, “Nyɛ li mi, nɛ Tsaatsɛ hu nyɛ li lɛ. Kaa nyɛ le mi jinɛ nyɛ maa le Tsaatsɛ hulɔ.”

1 Korintobi 15:12

Jehanɛ ɔ, akɛnɛ wa sɛ gbi ɔ ji kaa Mawu tle Kristo si kɛ je gbeje ɔ, mɛni he je nyɛ ti ni komɛ deɔ ke a be ni gbogboehi si tlee kɛ ba wami mi ɔ?

Filipibi 2:6

E hɛɛ Mawu su lɛɛ, se e pee we lɛ kaa doo ɔ, a na lɛ kaa e kɛ Mawu sɔ.

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.