Yohane 14:7 - BAIBLO ALOO NGMAMI KLƆUKLƆU Ɔ

⁷ Kaa nyɛ le mi jinɛ nyɛ ko le Tsaatsɛ hulɔ. Kɛ je be nɛ ɔ mi kɛ yaa nɛ ɔ, nyɛ le lɛ, ejakaa nyɛ na lɛ.”

Somi He Ɔ

⁷ Kaa nyɛ le mi jinɛ, nyɛ ko le Tsaatsɛ hulɔ; nɛ kɛ je mwɔnɛ kɛ yaa nɛ ɔ, nyɛ le lɛ, ejakaa nyɛ na lɛ.”

Yohane 14:7 ပူးပေါင်းရင်းမြစ်များ

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 17:21

I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Yohane 17:26

I ha nɛ a le mo, nɛ ma ya nɔ ma pee jã, konɛ á suɔ mi kaa bɔ nɛ o suɔ mi ɔ, nɛ imi hu ma hi a mi.”

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 17:6

“Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 6:46

Se enɛ ɔ tsɔɔ we kaa nɔ ko na Tsɛ ɔ hyɛ; ja imi nɛ i je Mawu ngɔ ɔ, imi pɛ nɛ i na lɛ.

Yohane 8:19

A bi lɛ ke, “O Tsɛ ɔ, jije e ngɛ?” Yesu he nɔ ke, “Nyɛ li mi, nɛ Tsaatsɛ hu nyɛ li lɛ. Kaa nyɛ le mi jinɛ nyɛ maa le Tsaatsɛ hulɔ.”

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

1 Yohane 2:13

Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ ye nɔ yayami ɔ nɔ kunimi.