Yohane 14:31 - BAIBLO ALOO NGMAMI KLƆUKLƆU Ɔ

³¹ se e sa kaa je ɔ tsuo nɛ le kaa i suɔ Tsɛ ɔ, lɔ ɔ he ɔ, nɔ́ tsuaa nɔ́ nɛ e fa a, i peeɔ. “Nyɛɛ te nɛ waa je hiɛmɛ nɛ ɔ!

Somi He Ɔ

³¹ I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

Yohane 14:31 ပူးပေါင်းရင်းမြစ်များ

La 40:8

Ye Mawu, i suɔ kaa ma pee o suɔmi nya ní; o mlaa a, a ngma ngɛ ye tsui mi.”

Yesaya 50:5

Nyɔmtsɛ Yawɛ bli ye tue; i tsɔ we atuã, i kua we lɛ.

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

Mateo 26:46

Nyɛɛ te nɛ waa ho. Hyɛ, nɔ nɛ ngɛ ye se blɔ tsɔɔe ɔ lɛ ma a nɛ!”

Luka 12:50

A maa ngɔ mi kɛ wo amanehlu nɛ nya wa mi, nɛ ye he ngɛ mi hiae kɛ yaa si a maa gbe nya!

Yohane 10:18

Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yohane 12:49

Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 15:9

I suɔ nyɛ kaa bɔ nɛ Tsɛ ɔ suɔ mi ɔ, lɔ ɔ he ɔ, nyɛ ha suɔmi nɛ i ngɛ kɛ ha nyɛ ɔ nɛ hi si daa.

Yohane 18:11

Yesu de Petro ke, “Ngɔɔ o klaate ɔ kɛ wo e kpo ɔ mi. Amanehlu kplu nɛ Tsaatsɛ to kaa ma nu ɔ, ma ko nu lo?”

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

Filipibi 2:8

E ba e he si, nɛ e bu tue hluu kɛ ya su gbeje tete; e gbo sɛumi tso nɔ gbenɔ.