Yohane 14:27 - BAIBLO ALOO NGMAMI KLƆUKLƆU Ɔ

²⁷ “I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Somi He Ɔ

²⁷ “Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

Yohane 14:27 ပူးပေါင်းရင်းမြစ်များ

Kronika II, 20:30

Yehoshafat ye matsɛ ngɛ tue mi jɔmi mi, ejakaa e Mawu ɔ ha lɛ he jɔmi ngɛ he tsuaa he kɛ bɔle si.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

La 11:1

I ba sa we ngɛ Yawɛ ngɔ. Mɛni he je lɛ nyɛ deɔ mi ke, “Tee kaa lohwe pɛlitsɛ kɛ ya yo ɔmɛ a nɔ.

La 112:7

E yi sane yobu ko nɛ maa ba a gbeye; nɔ́ ko nɔ́ ko pue we e tsui nɔ, ejakaa e ngɔ e hɛ kɛ fɔ Yawɛ nɔ.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

La 28:3

Koo bu mi fɔ kɛ si yiwutsotsɛmɛ, kɛ yayami peeli a nɔ. Nimli nɛ ɔmɛ, kɛ a nyɛmimɛ tuɔ munyu ngɛ he jɔmi mi. Se a tsui mi hyi kɛ yayami.

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

La 56:11

I ngɔ ye hɛ kɛ fɔ Mawu nɔ, lɔ ɔ he ɔ, i yi gbeye. Mɛni nɔmlɔ adesa ma nyɛ maa pee mi?

La 56:3

Ke i ngɛ gbeye yee kikɛ nɛ ɔ, mo Hiɔwe no ɔ pɛ o nɔ i ngɔɔ ye hɛ kɛ fɔɔ.

La 72:2

É ngɔ dami sane yemi kɛ hyɛ o ma a nɔ; nɛ é ye nɔ́ nali a sane ha mɛ!

La 72:7

Á ye dami sane saminya ngɛ e yi nɔ; e yi nɔ nɛ jɔ kulaa ngɛ he tsuaa he hluu kɛ yaa su be nɛ nyɔhiɔ be hu!

La 85:10

Mɔbɔ nami, kɛ anɔkuale kpe hɛ mi kɛ hɛ mi; dami kɛ tue mi jɔmi fua a sibi atuu.

La 91:5

O be nyɔ mi ní yayamihi, loo piani oslaa kaa kɛ̃ɛ̃ mi bi kikɛ nɛ ɔ gbeye yee.

Abɛ Womi 3:25

Haomihi nɛ baa yiwutsotsɛmɛ a nɔ tlukaa kaa kɔɔhiɔ nɛ nya wa a, lɔ ɔmɛ be o he gbeye woe.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

Yesaya 54:13

“Imi Yawɛ nitsɛ, ma tsɔɔ ye ma a ní, nɛ ma ha a ma na ní babauu.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yeremia 1:8

Koo ye mɛ gbeye, ejakaa i kɛ mo ngɛ, nɛ ma bu o he. Imi, Yawɛ lɛ i de.”

Kɔmɔ Yemi 3:17

I li nɔ́ nɛ a tsɛɛ tue mi jɔmi ɔ, jehanɛ lɛɛ ye hɛ je bua jɔmi po nɔ.

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Daniel 4:1

Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!

Zakaria 6:13

Lɛ nɛ e maa ma Yawɛ we ɔ. Osɔfo ko maa piɛ e he kɛ tsu ní ɔ. Tue mi jɔmi maa hi a kpɛti, nɛ a maa nu a sibi sisi saminya.’

Mose IV, 6:26

Yawɛ nɛ wo e hɛ mi nɔ ngɛ nyɛ nɔ, nɛ e ha nyɛ he jɔmi.

Mateo 10:26

“Lɔ ɔ he ɔ, nyɛ ko ye mɛ gbeye. Nɔ́ tsuaa nɔ́ nɛ a bu nɔ ɔ, a ma ba je kpo; nɔ́ ko be nɛ a ngɔ kɛ laa nɛ a be lee.

Luka 1:79

E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”

Luka 10:5

We tsuaa we mi nɛ nyɛ maa sɛ ɔ, kekleekle ɔ, nyɛ de ke, ‘Manye oo manye!’

Luka 12:4

“Ye huɛmɛ, i ngɛ nyɛ dee ke, nihi nɛ gbeɔ nɔmlɔ tso ɔ, nɛ lɔ ɔ se ɔ, a nyɛ we nɛ a peeɔ nɔ́ ko hu ɔ, nyɛ ko ye mɛ gbeye.

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yohane 14:1

Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Yohane 20:19

Jamɛ a ligbi ɔ nɛ ji otsi ɔ kekleekle ligbi ɔ gbɔkuɛ ɔ, Yuda ma nimeli ɔmɛ a he gbeye nya a, kaseli ɔmɛ ya bua a he nya ngɛ he ko, nɛ a nga sinya amɛ. Tlukaa a, Yesu ba da si ngɛ a kpɛti. E de mɛ ke, “Nyɛ he manye!”

Yohane 20:21

Jehanɛ ɔ, Yesu kpale de mɛ ekohu ke, “Nyɛ he manye! Bɔ nɛ Tsɛ ɔ tsɔ mi ɔ, ja nɔuu imi hu i ngɛ nyɛ tsɔe.”

Yohane 20:26

Ligbi kpaanyɔ se ɔ, kaseli ɔmɛ bua a he nya ekohu ngɛ tsu mi, nɛ Toma piɛ a he. A nga sinya amɛ, se Yesu ba nɛ e ba da si ngɛ a kpɛti, nɛ e de ke, “Nyɛ he manye!”

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Ni Tsumi 18:9

Ligbi ko nyɔ mi ɔ, Nyɔmtsɛ ɔ de Paulo ngɛ nina mi ke, “Koo ye gbeye, se mohu fiɛ munyu ɔ. Ko ma o nya,

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

Romabi 8:6

He lo nya níhi a he juɛmi ɔ kɛ gbenɔ baa, se mumi mi níhi a he juɛmi ɔ haa nɔ wami, kɛ he jɔmi.

1 Korintobi 1:3

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ.

Galatabi 1:3

Dloomi kɛ he jɔmi nɛ je Tsɛ Mawu ɔ, kɛ wa Nyɔmtsɛ Yesu Kristo dɛ mi ɔ ha nyɛ!

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 6:16

Nihi tsuo nɛ maa ba a je mi kaa kikɛ nɛ ɔ, Mawu nɛ na mɛ mɔbɔ, nɛ e ha mɛ he jɔmi. Ee, Mawu nɛ pee enɛ ɔ ha mɛ kɛ lɛ nitsɛ e ma, Israel ɔ tsuo.

Filipibi 4:7

Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

Kolosebi 1:2

mane ni klɔuklɔu ɔmɛ nɛ ji wa nyɛmimɛ nɛ ngɛ Kolose, nɛ yeɔ anɔkuale, nɛ a kɛ Kristo pee kake ɔ. Dloomi kɛ he jɔmi nɛ je wa Tsɛ Mawu ɔ dɛ mi ɔ ha nyɛ!

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Kolosebi 3:15

He jɔmi nɛ Kristo haa a, nyɛ ha nɛ a na kaa e ngɛ ní tsue ngɛ nyɛ tsui mi. Ejakaa nyɛ nɛ nyɛ ngɛ nɔmlɔ tso kake ɔ mi ɔ, ní tsumi nɛ Mawu kpee nyɛ ke nyɛ ba tsu ɔ ji nɛ ɔ nɛ. E sa nɛ nyɛɛ na Mawu si.

2 Tesalonikabi 1:2

Dloomi kɛ he jɔmi nɛ je Tsɛ Mawu ɔ, kɛ Nyɔmtsɛ Yesu Kristo ɔ dɛ mi ɔ ha nyɛ!

2 Tesalonikabi 3:16

Nyɔmtsɛ, nɔ nɛ haa wɔ he jɔmi ɔ, lɛ nitsɛ nɛ ha nyɛ he jɔmi daa ngɛ nɔ́ tsuaa nɔ́ nɛ nyɛ ngɛ pee mi. Nyɔmtsɛ ɔ kɛ nyɛ tsuo nɛ hi si.

2 Timoteo 1:7

Ejakaa mumi nɛ Mawu ha wɔ ɔ ha we nɛ wa yeɔ gbeye; mohu e ji mumi nɛ woɔ wɔ he wami, nɛ haa wa suɔ nɔmlɔ, nɛ wa yeɔ wa he nɔ.

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Hebribi 7:2

Abraham hu ha lɛ ta yibu ní tsuo nɛ e na a mi mi dlami nyɔngma mi kake. Kekleekle ɔ, e biɛ Melkizedek ɔ sisi ji, “Matsɛ nɛ yeɔ dami sane.” Jehanɛ hu, Salem matsɛ ji lɛ; lɔ ɔ he ɔ, e biɛ ɔ tsɔɔ kaa e ji, “Matsɛ nɛ e kɛ tue mi jɔmi baa.”

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”