Yohane 14:17 - BAIBLO ALOO NGMAMI KLƆUKLƆU Ɔ

¹⁷ Lɛ ji anɔkuale mumi nɛ tsɔɔ nihi bɔ nɛ tutuutu nɛ Mawu ngɛ ɔ. Je mi bi ɔmɛ ngɔɛ lɛ, ejakaa a nɛ́ lɛ, nɛ a li lɛ hulɔ. Se nyɛɛ lɛ nyɛ le lɛ, ejakaa e kɛ nyɛ ngɛ, nɛ e ngɛ nyɛ mi.

Somi He Ɔ

¹⁷ anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

Yohane 14:17 ပူးပေါင်းရင်းမြစ်များ

Abɛ Womi 14:10

Mo nitsɛ nɛ o le o hɛdɔ be, kɛ be nɛ o naa bua jɔmi; nɔ kpa ko li.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Ezekiel 36:27

Ma ngɔ ye mumi ɔ kɛ wo nyɛ mi, konɛ nyɛɛ bu ye mlaa amɛ tsuo tue, nɛ nyɛɛ ye a nɔ pɛpɛɛpɛ.

Mateo 10:20

Ejakaa pi nyɛ nitsɛmɛ nɛ nyɛ maa tu munyu ɔ, se mohu nyɛ Tsɛ ɔ Mumi ɔ nɛ maa tu munyu kɛ gu nyɛ nɔ.

Yohane 14:16

Kɛkɛ ɔ, ma kpa Tsɛ ɔ pɛɛ, nɛ e ma ha nyɛ Hepiɛlɔ kpa nɛ kɛ nyɛ maa hi si daa.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Yohane 16:13

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

1 Korintobi 14:15

Ke kikɛ nɛ ɔ ji sane ɔ, lɛɛ kɛ ma pee kɛɛ? I kɛ mumi maa sɔle, se i kɛ juɛmi hu maa sɔle; i kɛ mumi ma la, se i kɛ juɛmi hu ma la.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

1 Korintobi 3:16

Anɛ nyɛ li kaa Mawu sɔlemi we ji nyɛ, nɛ Mawu mumi ɔ ngɛ nyɛ mi lo?

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Galatabi 4:6

Mawu suɔ kaa e maa tsɔɔ nyɛ kaa e bimɛ ji nyɛ, lɔ ɔ he ɔ, e tsɔ e bi ɔ mumi ɔ kɛ ba wa tsui mi. Kɛkɛ ɔ, wa ma nyɛ ma de anɔkuale mi ke, “Mawu, wa tsɛ ji mo.”

Efesobi 2:22

Nyɛ hu mumi ɔ ngɔ nyɛɛ kɛ ni nɛmɛ nɛ heɔ yeɔ tsuo ngɔ mɛtɛ Kristo he, nɛ nyɛ ba pee Mawu sihi he.

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

2 Timoteo 1:14

Mumi Klɔuklɔu ɔ nɛ ngɛ wa mi ɔ, é wo mo he wami, konɛ ní kpakpahi nɛ a tu ngɔ wo o dɛ mi ɔ, o bu he.

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

1 Yohane 3:24

Nɔ tsuaa nɔ nɛ yeɔ Mawu mlaa amɛ a nɔ ɔ, e hii Mawu mi, nɛ Mawu hu hii e mi. Nɛ mumi ɔ nɛ Mawu ha wɔ ɔ he je ɔ, wa le kaa Mawu ngɛ wa mi.

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.

1 Yohane 4:6

Se wɔɔ lɛɛ Mawu níhi ji wɔ. Nɔ tsuaa nɔ nɛ le Mawu ɔ, e buɔ wɔ tue; nihi nɛ kɛ Mawu be ɔ, mɛɛ a bui wɔ tue. Enɛ ɔ waa kɛ naa slɔɔto nɛ ngɛ anɔkuale mumi ɔ, kɛ lakpa mumi ɔ a kpɛti.

1 Yohane 5:7

Odase yeli etɛ lɛ ngɛ;

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.