Yohane 14:1 - BAIBLO ALOO NGMAMI KLƆUKLƆU Ɔ

¹ Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Somi He Ɔ

¹ “Nyɛ ko ye nyɛ tsui; nyɛ he Mawu nɔ nyɛɛ ye, nɛ imi hu nyɛ he ye nɔ nyɛɛ ye.

Yohane 14:1 ပူးပေါင်းရင်းမြစ်များ

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.

La 77:10

Kɛkɛ nɛ i kɛ hɛdɔ bi ke, “Anɛ Mawu hiɔ nine ɔ tsu we ní hu lo? Anɛ Hiɔwe No ɔ pa be he wami ko hu lo?”

Yesaya 26:3

Nɔ nɛ ngɔɔ e hɛ kɛ fɔɔ o nɔ, nɛ e heɔ mo yeɔ ɔ, o haa lɛ tue mi jɔmi.

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Yohane 11:33

Yesu na kaa Maria ngɛ ya foe; nɛ jehanɛ ɔ, bɔ nɛ Yuda bi ɔmɛ nɛ piɛ Maria he ɔ hu ngɛ ya foe ɔ ha Yesu hao ngɛ mumi mi.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yohane 12:44

Yesu de kɛ ngmlaa ke, “Nɔ tsuaa nɔ nɛ heɔ mi yeɔ ɔ, pi imi nɛ e he ye, se mohu nɔ nɛ tsɔ mi ɔ nɛ e he ye ɔ nɛ.

Yohane 13:19

Nɔ́ nɛ maa ba a, i ngɛ nyɛ dee loko e ba mi, konɛ ke e ba mi ɔ, nyɛ he ye kaa ‘Imi ji nɔ nɛ i ji ɔ nɛ.’

Yohane 16:24

Kɛ ba si piɔ ɔ, nyɛ bi we nɔ́ ko hyɛ ngɛ ye biɛ mi. Nyɛ bi, nɛ a maa pee ha nyɛ; kɛkɛ ɔ, nyɛ ma na bua jɔmi babauu.

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 16:6

Se nɛ i de nyɛ ní nɛ ɔmɛ ɔ, nyɛ ngɛ tsui yee.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

2 Korintobi 2:7

Jehanɛ lɛɛ nyɛɛ ngɔ e he yayami kɛ pa lɛ, nɛ nyɛɛ wo lɛ bua, konɛ e ko ba ye kɔmɔ tsɔ, nɛ e kɔni mi ba jɔ̃.

Efesobi 1:15

Enɛ ɔ he je ɔ, kɛ je benɛ i nu kaa nyɛ heɔ Nyɔmtsɛ Yesu Kristo yeɔ saminya, nɛ Mawu we bi ɔmɛ hu nyɛ suɔ mɛ ja nɔuu ɔ,

2 Tesalonikabi 2:2

ke nyɛ nu kaa mumi mi sɛ gbi ko je kpo, aloo munyu ko ngɛ pɛe, aloo kaa a ngɛ dee ke womi ko je wa ngɔ kaa Nyɔmtsɛ ɔ ligbi ɔ ba momo ɔ, nyɛ juɛmi mi ko pee nyɛ enyɔɔnyɔ, nɛ nyɛ ko hao hulɔ.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.